“Qarabağ mina məsələsinə görə böyük bir təhlükə zonasıdır, insanlarımız hər zaman ayıq-sayıq olmalıdır”.

Ednews xəbər verir ki, bu sözləri Beynəlxalq Avrasiya Mətbuat Fondunun prezidenti Umud Mirzəyev İTV kanalının “Sabaha Saxlamayaq” verilişində səsləndirib.

“25 ilə yaxındır Qarabağ zonasında minaların təmizlənməsi proqramında aktiv şəkildə iştirak edirik və onu deyə bilərəm ki, Qarabağ bu vandalizm aktının, ekoloji cinayətin çox əziyyətini çəkir. Görünən odur ki, ermənilər 30 illik işğal tarixi boyunca fasiləsiz olaraq buranın minalanması ilə məşğul olub. Bir kvadratlıq ərazidə belə onlarla minanın şahidi olmuşuq. Ona görə xalqımızı Qarabağda olarkən olduqca ehtiyatlı olmağa çağırıram”.

Verilişin davamında BAMF rəhbəri birlikdə bir sıra təşkilatların və media qurumlarının bu prosesdə fəaliyyətlərinin artırılmasına çağırış edib:

“Hər gün daha bir mina hadisələrinin çoxaldığı xəbərini eşidirik. Şəxsi fikrim odur ki, belə bir ciddi məsələdə ayıq-sayıqlığı artırmalıyıq. Media qurumları, dövlət qurumları, QHT-lər ilə birlikdə bu məsələyə öz töhfəmizi verməliyik”.

U.Mirzəyev gender bərabərliyin nümayişi naminə mina təmizləmə sahəsində iştirak edən qadın minatəmizləyicilərdən də danışıb:

“Dünyada 20-yə yaxın ölkədə qadınların minatəmizləmə proseslərində aktiv iştirakını görürük. 2003-cü ildə Yaponuya səfirliyinin dəstəyi ilə yaratdığımız kiçik “İcma Mina Aksiyası” komandası illər keçdikcə daha da böyüdü. Mina fəaliyyətində yaxın illərdə qadınların buraya olan maraqlarını gördük və bu komanda da qadınlarımızın da iştirakının önəmli olduğunu düşündük".

Daha ətraflı video süjetdən izləyə bilərsiniz:

Əkbər