Beynəlxalq Avrasiya Mətbuat Fondunun prezidenti Umud Mirzəyev Xocalı soyqırımı qurbanlarından olan 7 nəfərin nəşinin qalıqlarının Xocalı Şəhidlər xiyabanında dəfn edilməsində iştirak edib.
Ednews xəbər verir ki, Umud Mirzəyev bu fikirləri söyləyib:
“Durduğumuz yerdə sağda-solda, öndə-arxada bir qarış da yer yoxdur ki, insan qanı ilə suvarılmamış olsun. XX əsrin ən böyük faciəsi məhz bu məkanda baş verib. Mənim qulağıma 25 fevraldan 26-a keçən gecəni xatırladan hayqırtılar gəlir. Nə qədər insanlarımız itkin düşüb. Onların hələ də sorağı yoxdur.
Bu gün buraya yeddi nəfərin nəşi gətirildi. Bizim iştirakımızla torpağa bağışlandı. Basdırılan insanların yaxınları bəlkə də, ilk dəfə bu gecə rahatlıq tapacaqlar”.
