20 minə yaxın bakalavr magistraturaya imtahan verəcək – BU TARİXDƏ

Cəmiyyət 10:55 25.04.2024

Dövlət İmtahan Mərkəzinin (DİM) aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək. 

Bu barədə Ednews-a DİM-dən məlumat verilib. 

Qeyd olunub ki, imtahan respublikanın 7 şəhər və rayonunda - Bakı, Sumqayıt, Naxçıvan, Gəncə, Abşeron, Mingəçevir və Lənkəranda, ümumilikdə 78 binada təşkil olunacaq. 

İmtahan bütün binalarda eyni vaxtda – saat 11:00-da başlanır. İmtahanın başlanmasına 15 dəqiqə qalmış saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmırlar. 

Bildiyiniz kimi, imtahanda bakalavrların xarici dil üzrə dinləyib-anlama bacarıqları da yoxlanılır. İmtahan dinləmə mətninin səsləndirilməsi ilə başlanacaq. Mətnin səsləndirilməsinə hazırlıq və binada sakitliyin təmin olunması ilə əlaqədar imtahanın başlanmasına 15 dəqiqə qalmış hər kəs zalda olmalıdır. 
İmtahanın müddəti 3 saat 30 dəqiqədir. İmtahanın başlandığı andan 3 saat sonra test tapşırıqlarının cavablandırılması üçün ayrılan vaxt başa çatır və cavab kartları zal nәzarәtçisi tәrәfindәn yığılır. Bundan sonra iştirakçılara yazı işi (esse) vәrәqlәri paylanılır. Esselərin yazılmasına 30 dəqiqə vaxt verilir. 

İmtahan nəticələri 2 mərhələdə elan olunacaq. İmtahandan sonrakı 2-3 gün ərzində qapalı və cavabları kodlaşdırılan açıq tipli tapşırıqların nəticələri elan olunacaq. Yekun imtahan balı isə esse tapşırıqları yoxlanıldıqdan sonra təqdim olunacaq. İmtahan iştirakçılarının nəticələrlə bağlı apellyasiya müraciətlərinə yekun bal elan olunduqdan sonra baxılacaq və bu zaman yalnız tapşırıqların məzmunu və yazı işi ilə bağlı müraciətlər qəbul olunacaq. 

İmtahan iştirakçılarının nəzərinə çatdırırıq ki, cavab kartındakı mәlumatlar optik qurğu vasitәsilә oxunur. Ona görə də optik qurğuların tələblərinə əsasən, cavab kartını qara vә ya tünd göy rәngdә yazan mürәkkәb axıtmayan diyircәkli qәlәmlә, yaxud sadә karandaşla doldurmaq lazımdır. Cavablar üçün nəzərdə tutulmuş dairələrin içi göstərilən növ qələmlərlə və ya karandaşla tam qaralanmalıdır. Təlimata uyğun olmayan formada qeyd olunmuş cavablar, o cümlədən cavabın optik qurğu tərəfindən səhv kimi nəzərə alınması ilə nəticələnən düzəlişlərə (məsələn qapalı sualda iki dairənin qaralanması və s.) baxılmayacaq. Bununla bağlı tövsiyə olunur ki, cavab kartında cavabları tam əmin olduqdan sonra qeyd edin və ya cavab kartında imtahan bitənədək hər hansı düzəliş etmək imkanının olması üçün dairələri karandaşla qaralayın. 

Bir daha xatırladırıq ki, kartı zədələmək vә cırmaq olmaz. İmtahan nəticələri ilə əlaqədar apellyasiya müraciətlərinə baxılarkən göstərilən hallarla bağlı hər hansı müraciət qəbul edilməyəcək. 

İmtahan iştirakçıları “Yaddaş kitabçası” ilə buradan tanış ola bilərlər. 

İmtahan binasına mobil telefon və digər rabitə vasitələri, elektron cihazlar, kalkulyator, elektron məlumat daşıyıcısı, kitab, dəftər, jurnal, konspekt, məlumat kitabçası, lüğət, cədvəl, çanta və digər yardımçı vəsaitlər gətirmək qadağandır. İştirakçılardan imtahan binasına əlavə əşyaları gətirməməyi xahiş edirik. Bütün bunlar buraxılış rejimi işinin səmərəli təşkilinə və onun vaxtında başa çatdırılmasına mane olur. 

Məlumat üçün qeyd edək ki, ərizələrin qəbulu internet vasitəsilə martın 28 dən aprelin 8-dək aparılıb. İmtahanda iştirak etmək üçün 19716 bakalavr ərizə təqdim edib. Onlardan 18420 nəfər Azərbaycan bölməsi, 1296 nəfəri rus bölməsi üzrə imtahan verəcək. Bakalavrlardan 12454-ü cari ilin, 7262-si isə əvvəlki illərin məzunlarıdır, 45 nəfər xarici ölkə vətəndaşıdır. 

Qəbul imtahanı Bakıda 56, Sumqayıtda 5, Abşeronda 4, Gəncədə 6, Naxçıvanda 2, Mingəçevirdə 3, Lənkəranda 2 binada təşkil olunacaq. Bakıda 14573, Naxçıvanda 536, Gəncədə 1310, Sumqayıtda 1358, Abşeronda 964, Mingəçevirdə 581, Lənkəranda 394 bakalavrın imtahan verəcəyi gözlənilir. İmtahanın idarə olunmasına 78 ümumi rəhbər, 218 imtahan rəhbəri, 1799 nəzarətçi-müəllim, 264 buraxılış rejimi əməkdaşı (mühafizə) cəlb olunacaq. 

İmtahanda 11 nəfər sağlamlıq imkanları məhdud (gözdən əlil,serebral iflic, eşitmə əngəlli və digər) bakalavrlar da iştirak edəcək. Bu bakalavrların rahat şəkildə imtahan verməsi üçün imtahan binalarında xüsusi zallar ayrılıb, orqanizmin funksiyalarının 81-100 faiz pozulmasına görə gözdən əlilliyi müəyyən edilmiş şəxslərə isə fərdi nəzarətçilər təyin edilib. 

İmtahanda iştirak etmək üçün qeydiyyatdan keçmiş bakalavrlar imtahanda iştirak etmək üçün aprelin 22-dən etibarən DİM-in internet saytına daxil olub “Şəxsi kabinet”in istifadəçi adı və parolundan istifadə etməklə “İmtahana buraxılış vərəqəsi”ni çap edirlər. Burada iştirakçının imtahan verəcəyi şəhər, bina və digər məlumatlar qeyd olunur. 

Bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər: 

- Şəxsiyyəti təsdiqləyən sənədin əslini; 

- “İmtahana buraxılış vərəqəsi”ni. 

Göstərilən sənədləri arasında uyğunsuzluq aşkarlanan, yaxud həmin sənədlərdən biri olmayan şəxslər imtahana buraxılmayacaq. 

Hazırda imtahanlarda iştirak edəcək nəzarətçilər, imtahan rəhbərləri və mühafizə əməkdaşları ilə təlim-seminarlar keçirilir. Bütün imtahan binaları yoxlanılır, zallarda bakalavrların rahat imtahan verməsi üçün zəruri şərait yaradılır. Təhlükəsizliyin təmin edilməsi məqsədilə apreln 27-də imtahan mərkəzləri, zallar, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə veriləcək. 

Rəisidən sonrakı İran, Paşinyandan sülh açıqlamaları və ABŞ prezident seçkiləri - MÜSAHİBƏ - VİDEO

Xəbər xətti

Yığmamızın üzvü oynadı, komandası qalib gəldi
04:55 24.05.2024
Rusiya Müdafiə Nazirliyinin daha bir rəsmisi HƏBS EDİLİB
03:47 24.05.2024
Azərbaycanla Türkiyə arasında elm və təhsil sahəsində əməkdaşlıq müzakirə edilib
02:00 24.05.2024
"Barselona"nın futbolçusu "Çelsi"yə keçə bilər
01:00 24.05.2024
İngiltərədə Rusiya kəşfiyyatına kömək edən şəxs həbs edilib
00:07 24.05.2024
NASA rəhbəri Çinin Ay proqramından narahatdır
23:41 23.05.2024
ABŞ Liviyada müvəqqəti diplomatik nümayəndəlik açmaq istəyir
23:23 23.05.2024
Husilərin lideri Aralıq dənizindəki hədəflərə zərbələr endirildiyini açıqlayıb
23:00 23.05.2024
Cənubi Koreyanın devrilmiş prezidentinin köməkçisinə yeni administrasiyada vəzifə verilib
22:40 23.05.2024
ABŞ Ukraynaya təxminən 300 milyon dollar dəyərində hərbi yardım ayıracaq
22:22 23.05.2024
BMT Baş Assambleyası 11 iyulu Beynəlxalq Srebrenitsa Soyqırımını Anma Günü kimi qəbul edib
22:00 23.05.2024
Hindistanda kimya fabrikində partlayış baş verib, 6 nəfər ölüb
21:39 23.05.2024
Fransa millisinin qapıçısı AVRO-2024-dən kənarda qala bilər
21:22 23.05.2024
Cəlilabadda 11 yaşlı uşağı elektrik cərəyanı vuraraq öldürüb
21:00 23.05.2024
Azərbaycan və Almaniya hərbi nümayəndələrinin ekspert görüşü keçirilib
20:40 23.05.2024
Azərbaycanda lizinq şirkətinin səhmlərinin satışı üzrə tarix açıqlanıb
20:20 23.05.2024
Piter Teys: Demokratların təcrübəsizliyi Trampın prezident olacağına işarə edir - VIDEO
20:00 23.05.2024
İsrail hərbçiləri Qəzzadan bir milyona yaxın dinc sakinin təxliyəsinə şərait yaradıb
19:48 23.05.2024
Azərbaycanda elektromobillərin istehsalı ilə bağlı layihələr gözlənilir
19:37 23.05.2024
Silahlı münaqişə zamanı mədəni sərvətlərin daşınması qaydası müəyyənləşib
19:33 23.05.2024
Azərbaycanın daha bir cüdoçusu dünya çempionu olub
19:29 23.05.2024
Gürcüstanın Baş naziri avrokomissarın onu təhdid etdiyini deyib
19:18 23.05.2024
Komitə sədri ETSN işçilərinin peşə bayramını təbrik edib
19:11 23.05.2024
“Azərişıq” 100 yaşayış məntəqəsində elektrik enerjisi itkilərini azaldır
19:00 23.05.2024
Azərbaycanın Vatikandakı səfirliyi Müstəqillik Günü ilə bağlı rəsmi qəbul təşkil edib
18:40 23.05.2024
Makron Yeni Kaledoniyaya zirehli texnika və helikopterlər göndərmək niyyətində olduğunu açıqlayıb
18:29 23.05.2024
Gürcüstanın Hərbi Polis Departamentinin nümayəndə heyəti Azərbaycana səfər edib
18:18 23.05.2024
Dini Qurumlarla İş üzrə Dövlət Komitəsinin sədri Şamaxıda vətəndaşları qəbul edib
18:05 23.05.2024
Gecə ofisdə Tiktok çəkən 14 nəfər cəzalandırıldı
18:00 23.05.2024
Üç hərbi kollec yaradıldı - Qərar
17:50 23.05.2024
"Azərbaycanın Fransadakı aktivləri dondurulmalıdır" - Fransa senatının üzvü
"Azərbaycanın Fransadakı aktivləri dondurulmalıdır" - Fransa senatının üzvü
17:45 23.05.2024
Əməkdar jurnalist Bəbir Hüseynov vəfat edib
17:37 23.05.2024
Nazirdən COP29 ilə bağlı açıqlama: Azərbaycanı tanıtmağa çalışacağıq
17:35 23.05.2024
Rəisinin ölümü Azərbaycan - İran münasibətlərinə necə təsir edəcək? - Amerikalı ekspert ŞƏRH EDİR - VİDEO
17:30 23.05.2024
Bakı və Abşeronda yağış yağacaq, külək güclənəcək – XƏBƏRDARLIQ
17:15 23.05.2024
“Fransa Azərbaycan-Ermənistan qonşuluq münasibətlərini sıradan çıxarmaq istəyir” – Amerikalı ekspert - ÖZƏL
17:00 23.05.2024
Norveçdən Rusiya vətəndaşlarına QADAĞA
Norveçdən Rusiya vətəndaşlarına QADAĞA
16:45 23.05.2024
Rişi Sunak: Seçkilərdən əvvəl miqrantların Ruandaya deportasiyası olmayacaq
Rişi Sunak: Seçkilərdən əvvəl miqrantların Ruandaya deportasiyası olmayacaq
16:42 23.05.2024
Emoməli Rəhmonun Azərbaycana dövlət səfəri BAŞA ÇATDI
16:39 23.05.2024
Koronavirus bu yay geri qayıdır? - İnfeksionist AÇIQLADI
16:30 23.05.2024
Hamısı