2 - ci Şuşa Qlobal Media Forumunda iştirak edən BAMF prezidenti Umud Mirzəyev sosial şəbəkədə paylaşım edib.
Ednews xəbər verir ki, Umud Mirzəyev, bu barədə "Facebook" hesabında paylaşım edib.
"Bu gün Milli Mətbuatımızın yaranmasından 149 il ötür. Belə bir əlamətdar gündə MEDİA Agentliyinin təşkilatçılığı ilə Şuşada yerli və beynəlxalq media mənsublarının da iştirak etdiyi “2-ci Şuşa Qlobal Media Forum” keçirilir. Forumda BAMF-ın çoxillik tərəfdaşı Əl Cəzirə Media Şəbəkəsinə geniş yer ayrılıb. Birinci paneldə çıxış edən Əl-Cəzirə Media İnstitutunun Media Təşəbbüsləri Meneceri Montaser Maray öz təsirli çıxışı ilə yadda qaldı. Bütünlüklə Əl Cəzirənin təşkil etdiyi “Dezinformasiyaya qarşı daha davamlı cəmiyyət qurmaq üçün siyasət və təşəbbüslər” adlı ikinci paneldən öncə çıxış edən Əl Cəzirənin Baş direktoru Dr. Mostefa Souaqın forum və müasir medianın durumu ilə bağlı əhatəli çıxışı və təhlilli də auditoriyanın diqqətini cəlb etdi və böyük maraqla qarşılandı. Əl Cəzirə Araşdırmalar Mərkəzinin Tədqiqat Meneceri Ezzedin Abdelmolanın moderatorluğu ilə davam edən paneldə qurumun İngilis kanalının xəbərlər müdiri Salah Nejmin, Araşdırmalar Mərkəzinin Media Tədqiqatları şöbəsinin rəhbəri Məhəmməd Errajinin, "Sanad" Agentliyinin Rəqəmsal Xəbərlərin Toplanması və Təsdiqinin rəhbəri Əmr Elkazazın və “Mail and Guardian” (M&G) qəzetinin baş icraçı direktoru Tembisa Fakudenin çıxışları da iştirakçılar tərəfindən böyük marağa və müzakirələrə səbəb oldu".
Əkbər
