"Qarabağ"ın Çempionlar Liqasında bütün potensial rəqibləri bilinib | Eurasia Diary - ednews.net

26 Oktyabr, Bazar ertəsi


"Qarabağ"ın Çempionlar Liqasında bütün potensial rəqibləri bilinib

İdman A- A A+

Azərbaycan çempionu “Qarabağ”ın avrokuboklardakı daha iki mümkün rəqibi bəlli olub.

EDNews.net Apasport.az saytına istinadən xəbər verir ki, Ağdam təmsilçisi Çempionlar Liqasının I təsnifat mərhələsində Albaniya və Sloveniya klubları ilə də görüşə bilər.

Albaniyanın çempionu olan "Tirana" və Sloveniyada qızıl medallara layiq görülən "Çelye"nin püşk zamanı səpələnməmişlərdən olacağı dəqiqləşib. Hər iki komanda "Qarabağ"a mövsümdə ilk rəqib ola bilər.

Beləliklə, "Qarabağ"ın ilk raundda artıq bütün potensial rəqibi bilinib. Bunlar "Fola" (Lüksemburq), "Yurqorden" (İsveç), “Buduçnost” (Monteneqro), “Flora” (Estoniya), “Dinamo” (Brest, Belarus), “Riqa” (Latviya), “Konnah” (Uels), “Klaksvik” (Farer adaları), “Europa” (Cəbəllütariq), "Çelye" (Sloveniya), “KuPS” (Finlandiya), “Reykyavik” (İslandiya), "Tirana" (Albaniya), “Sileks” (Şimali Makedoniya) və “Floriana”dır (Malta). Bir mümkün rəqib isə ilkin mərhələdən gələcək. “Linfild” (Şimali İrlandiya) və “Tre Fiore” (San-Marino) ilkin mərhələnin qalibi kimi səpələnməmişlərdən olmağa 4 iddiaçıdan biridir.

Qeyd edək ki, Çempionlar Liqasının I seçmə mərhələsinin püşkü avqustun 9-da atılacaq.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...