"Əziz Şuşa" adlı beynəlxalq yarışa qatılacaq velosipedçilərin sayı açıqlandı - VİDEO - ednews.net

7 Avqust,

(+994 50) 229-39-11

"Əziz Şuşa" adlı beynəlxalq yarışa qatılacaq velosipedçilərin sayı açıqlandı - VİDEO

İdman A- A A+

Gənclər və İdman Nazirliyi, Azərbaycan Velosiped Federasiyası və Şuşa Şəhəri Dövlət Qoruğu İdarəsinin təşkilatçılığı ilə keçiriləcək “Əziz Şuşa” adlı beynəlxalq yarışda iştirak edəcək velosipedçilərin sayı açıqlanıb.

Nazirliyin Mətbuat Xidmətindən Ednews-a verilən məlumata görə, iki gün davam edəcək turnirdə 10 ölkədən ümumilikdə 80-dək idmançı mübarizə aparacaq.

İyulun 9-da keçiriləcək birinci mərhələ Pirallahı rayonunda “Nərəkənd” parkının yaxınlığında baş tutacaq. Bu raundda velosipedçilər 21 km məsafədə fərdi ötüşmə növündə yarışacaqlar.

İyulun 10-da gerçəkləşəcək ikinci mərhələ isə Füzuli Hava Limanından start götürməklə Şuşa şəhərindəki “Qarabağ” otelinin qarşısına qədər davam edəcək. İdmançılar sonuncu gündə 71 km məsafədə qrup ötüşməsində güclərini sınayacaqlar.

Turnir Nazirlər Kabinetinin təsdiqlədiyi tədbirlər planına əsasən, "Şuşa ili" çərçivəsində təşkil olunacaq. Yarışdan öncə və sonra beynəlxalq velotura həsr olunmuş mətbuat konfransı keçiriləcək.

Artıq yarışın tanıtım videosu da yayımlanıb. Həmin video-çarxı təqdim edirik:

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...