Cənubi Afrika millisinin qapıçısı Ronven Uilyams Afrika Millətlər Kubokunun tarixinə düşüb.
Ednews xəbər verir ki, o, Kabo-Verde ilə keçirilən 1/4 final matçında turnirdə ilkə imza atıb.
32 yaşlı qolkiper penaltilər seriyasında rəqibin 5 zərbəsindən 4-nü dəf edib. 1957-ci ildən keçirilən turnirdə heç bir qapıçı bu nəticəni göstərməyib.
Qeyd edək ki, Ronven Uilyams ötən gecə Kabo-Verde ilə keçirilən oyunda "Qarabağ"ın qapıçısı Patrik Andradenin də penaltisini dəf edib. Onun komandası yarımfinalda Nigeriya ilə qarşılaşacaq.