"Vest Hem" heyətini yeni oyunçu ilə gücləndirib.
Ednews xəbər verir ki, Premyer Liqa təmsilçisi "Nitsa"dan Jan-Kler Todibonu icarəyə götürüb. Bu barədə klubun mətbuat xidməti məlumat yayıb.
24 yaşlı müdafiəçi 2024/2025 mövsümünü icarə əsasında "Vest Hem"də keçirəcək. İcarə müqaviləsində satınalma şərti də var.
Qeyd edək ki, Fransa millisinin üzvü ötən mövsüm Liqa 1 təmsilçisinin heyətində 33 rəsmi matçda 3 qol ötürməsi edib.
