Fevralın 2-dən 5-nə kimi Latın Amerikası ölkəsi Baqotanın Ticarət Palatası Nobel Sülh Mükafatı Laureatlarının 16-cı zirvə görüşünə ev sahibliyi edəcək.
Qeyd edək ki, Nobel Sülh Mükafatı Laureatlarının zirvə toplantısı 1999-cu ildən etibarən keçirilən beynəlxalq səviyyədə tanınmış ən əhəmiyyətli sülməramlı tədbirdir.
Hər il keçirilən sammit müxtəlif zamanlarda insan hüquqları, Almaniyanın birləşdirilməsi, Xirosima, Nüvə təklükəsizliyi və s. kimi mövzuların müzakirə obyektonə çevrilib.
On dörd ildən çoxdur ki, davam edən zirvə toplantısının iştirakçıları arasında çoxsaylı Nobel Sülh Mükafatı Laureatları və Nobel Sülh Təşkilatlarının üzvləri də var.
Bunlara misal olaraq Mixayıl Qorbaçov, Əlahəzrət Dalay Lama, Şimon Peres, Oskar Arias Sançez, Lek Valesa, Cimmi Karter, Xose Ramos-Horta, Dr. Şirin Ebadi, Lord Devid Trimbl, Professor Con Hyum, Prezident Kim Dae Yung və digər dünyaca məşhur liderləri göstərmək olar.
Bu dəfə isə sammitdə 20 laureat və bir sıra dünya liderləri iştirak edir.
Sammit sülh yaratma, barışıq və onun inkişafı ilə bağlı danışıqların yer aldığı ən vacib platformadır.
Sammitin gedişində sülhün bərqərar olunması üçün önəmli töhvələr vermiş dünyaca məşhur iki şəxsə xüsusi minnətdarlıq bildiriləcək.
Xatırladaq ki, Əvvəlki zirvə görüşlərində Bernardo Bertoluççi, Ceorc Kluni, Bob Geldof, Bono, Şon Pen kimi məşhurlara minnətdarlıq bildirilib.
