“Apreldəki özbaşınalıqlar ordunun mövcud olmadığını göstərdi. Bununla da onlar sübut etməyə çalışır ki, biz hətta qəhramanları da məhkum edirik, ona görə sakit-səssiz bizə qulluq etməlisiniz. 50-100 min nəfər küçələrə çıxmalıdır və bu tarixə son qoyulmalıdır”.
Bunu “Ləyaqətli könüllü döyüşçü” ictimai təkilatının sədri, ehtiyatda olan polkovnik Volodya Avetisyan bildirib. O bildirib ki, Serj Sarkisyanın rəhbərlik etdiyi cinayətkarlar xalqı qorxu təzyiq altında saxlamaq üçün bir neçə nəfəri, o cümlədən “milli qəhramanlar” da daxil olmaqla həbs edib və 10 illərlə cəzaya məhkum edib.
Avetisyan daha sonra əlavə edir ki, bu gün Ermənistan hakimiyyətində olanlar erməni deyillər, başqa millətin nümayəndələridir: "Onlar məcbur edir ki, səngərdə gündə bir erməni ölsün və onların ailəsi Ermənistanı tərk etsinlər. 50-60 min maaş almaqla hakimiyyətə qulluq etmək tələb olunur. Həbs edilənlərin hamısı siyasi fəaliyyətlərinə görə məhkum ediliblər. Hamılıqla bütün erməni xalqı ayağa qalxıb, Ermənistanı Serj Sarkisyan hakimiyyətindən xilas etmək lazımdır. Özünü erməni hesab edən hər kəs mübarizəyə qalxmalıdır. Hakimiyyətdə olan 2000 min nəfərdən ibarət qrup 2-3 milyon əhalini qırırlar".
O, Sarkisyan hakimiyyətinin əsas məqsədinin ölkəni boşaltmaq və ordunu pulları mənimsəmək üçün saxladığını bildirib: "Serj Sarkisyan hakimiyyəti ordunu pulların mənimsənilməsi, oğurluq məqsədilə saxlayır, xalqı aldadır. Faktiki olaraq, ordu mövcud deyil".
O, hərbi komissarlıqda ehtiyatda olan zabit kimi müharibə şəraitində hara necə cəlb ediləcəyi barədə heç bir qeydiyyatın olmadığını və sonra qərar verəcəklərini bildirdiklərini deyib: “Apreldə ehtiyatda olan zabit və əsgərlər özbaşına maşınlara minərək cəbhəyə gedib və bizə post verin qoruyaq deyə müraciət ediblər. Belə bir şey, ola bilməz. Bunun bir qaydası olmalıdır. Bu fakt bir daha göstərir ki, ordu mövcud deyil”.