YPG-nin bir qolu olan Suriya Demokratik Qüvvələri Bəşər Əsədin görüş təklifini qəbul edib.
YPG-nin Suriyadakı siyasi qolu sayılan qüvvələr Bəşər Əsədin rəhbərlik etdiyi qüvvələrin təzyiqlərinə dözə bilməyib, qarşılıqlı dialoq təklifini qəbul ediblər.
Əsəd rejiminin YPG terror təşkilatını "Əgər danışıqlar aparmağa razılıq verilməzsə, bu bölgələri silah gücünə də azad edəcəyik" təhidinə Suriya Demokratik Qüvvələri cavab verib.
"Suriyada tərəflərin artıq müxtəlif hərbi yollar və vasitəçi güclərin müdaxiləsi ilə həll olunmayacağını anlayırıq"-deyə, açıqlamada qeyd edilib.
Əsədin görüş təklifini qəbul edən Suriya Demokratik Qüvvələri konstitusiya çağırışı edib. Açıqlamaya görə, konstitusiyaya dəyişiklik edilmədən bu məsələ öz həllini tapmayacaq: "Suriya hökuməti danışıqlara tərəddüd etmədən razılıq verib. Görüş üçün qapılarını açıb. Bu mövqeyimizin səbəbi yeni bir imkanın yaranmasıdır. Suriyada axan qanın durması, sülh və əmin-amanlığın yenidən bərpa olunması, mühitin təmizlənməsi. Biz Suriyada tərəflər arasında reallaşması nəzərdə tutulan danışıqların müsbət nəticələr verəcəyinə ümid edirik".
Suriya xalqının bütün nümayəndələrinin bir araya gəlməsi, təktərəfli və işğalçı siyasətin sonlandırılması üçün konstitusiyaya dəyişiklik ediləməsi gərəklidir: "Demokratik bir Suriya və bütün tərəflərin hüquqlarının bərabər şəkildə təmsil edildiyi bir konstitusiyanın formalaşması üçün tərəflərin ortaq qərara gəlməsi vacibdir. Bu baş verməzsə, Suriyada heç bir problem həllini tapmayacaq".