Köməkçiləri Trampın söhbətlərini gizli şəkildə qeydə alıblar | Eurasia Diary - ednews.net

18 Oktyabr, Cümə


Köməkçiləri Trampın söhbətlərini gizli şəkildə qeydə alıblar

Dünya A- A A+
Eurasia Diary xəbər verir ki, ABŞ prezidenti Donald Trampın keçmiş köməkçisi Omaros Maniqol-Nyuman Trampın söhbətlərini gizlin şəkildə qeydə alıb. 
 
Bu barədə “The Daily Beast” qəzeti yazıb. Qəzetin Ağ Evdəki mənbələri Nyumanda Trampın səs yazılarının olduğunu, hətta həmin söhbətlərin dinlənilməsi üçün digər insanlara verildiyini təsdiq ediblər. Lakin qeyd edilib ki, Trampın söhbətləri xanım Nyumana Ağ Evdəki işi barədə açıq memuarlar yazmaq üçün lazım olub. Onun “Unhinged: An Insider's Account of the Trump White House” (“Qeyri-asılı: Tramp dövründə içəridəki adamın Ağ Ev barədə hekayəsi”) adlı kitabı avqustun 14-də satışa buraxılacaq. 

“The Daily Beast” qəzetinin əməkdaşları Trampla köməkçisi arasındakı söhbətləri “gündəlik zərərsiz boşboğazlıqlar” adlandırıb. 

“Bu cür səs yazılarının olması Trampa qarşı onun köməkçiləri tərəfindən ciddi xəyanət faktlarının olduğunu sübut edir. Nyuman əvvəllər Trampa sadiq idi, amma görünür indi pul qazanmaq istəyir.” – deyə, qəzet yazır. 

O da bildirilir ki, bundan əvvəl Trampın keçmiş vəkili Maykl Koen də onun "Playboy" jurnalı modelinə pul ödənməsi barədə söhbətini qeydə almışdı. Həmin model Trampla əlaqəsinin olduğunu bəyan etmişdi. Lakin vəkilin şəxsi ofisində axtarış aparan federal təhqiqatçılar səs yazısını onun əlindən alıblar. “The Daily Beast” yazır ki, o zaman xəbəri olmadan söhbətlərinin qeydə alındığını öyrənən Tramp olduqca qəzəblənmişdi. 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...