“WikiLeaks” portalının yaradıcısı Julian Assanj həbs olunub.
Eurasia Diary-nin “Qafqazinfo”a istinadən məlumatına görə, o, Londonda Ekvador səfirliyində saxlanılıb. Bu barədə Böyük Britaniya polisi məlumat yayıb.
İngiltərə hüquq-mühafizə orqanlarının məlumatına görə, səfirlik işçiləri 47 yaşlı Assanjın həbsi üçün polisi içəri dəvət ediblər. Onlar güc tətbiq etməklə jurnalisti səfirliyin binasından çıxararaq avtomobilə mindiriblər.
Xatırladaq ki, J. Assanj 2010-cu ildə İsveçdə iki qadına qarşı cinsi zorakılıqda ittiham olunur. Həmin ildə İsveç hökuməti onu beynəlxalq axtarışa vermiş, sözügedən şəxs Londonda saxlanılmış, lakin daha sonra girov müqabilində azad edilmişdi.
O, 2012-ci ildən Ekvadorun İngiltərədəki səfirliyində gizlənirdi. 2018-ci ildə “WikiLeaks”in banisinə Ekvador vətəndaşlığı verilib.
***
Britaniya Xarici işlər naziri Ceremi Hant Ekvador prezidenti Lenin Morenoya bu adddımına görə təşəkkür edib.
Analoji bəyanatla Avropa və Amerika məsələləri üzrə nazir Alan Dankan da çıxış edib.
***
“WikiLeaks”in bəyanatında bildirilir ki, Ekvador hökuməti Julian Assanjın siyasi sığınaq hüququnu beynəlxalq hüququ pozaraq qanunsuz şəkildə sonlandırıb.
Rəsmi Kreml isə Assanjın həbsinə münasibətində onun bütün hüquqlarının müdafiə olunacağına ümid etdiyini qeyd edib.
Ekvador “Vikiliks” rəhbəri Culian Assanca sığınacaq verməkdən imtina edib.
Eurasia Diary Axar.az-a istinadla xəbər verir ki, bu məlumatı öz Tvitter səhifəsində Ekvador Prezidenti Lenin Moreno yayıb.
Bundan sonra o, 6 ildir gizləndiyi Ekvadorun Londondakı səfirliyindən çıxarılıb və Britaniya polisi tərəfindən həbs edilib.
Həbsə səbəb Assancın 2012-ci ildən bu yana məhkəmənin tələbinə rəğmən iclasa qatılmaması olub.
