Saakaşvilinin həyat yoldaşına hücumlar artır - Provokasiya | Eurasia Diary - ednews.net

21 May, Çərşənbə axşamı


Saakaşvilinin həyat yoldaşına hücumlar artır - Provokasiya

Dünya A- A A+

Gürcüstanın Zuqdidi şəhərinin bələdiyyə sədrliyinə namizəd olan Mixail Saakaşvilinin həyat yoldaşı Sandra Rulovsa qarşı növbəti provokasiyaya yol verilib.

Eurasia Diary xəbər verir ki, şəhərdə seçiciləri ilə görüşü zamanı naməlum şəxslər “Mersedes” markalı avtomobili kütlənin içinə sürüblər. İnsident nəticəsində xəsarət alan olmayıb.

Bundan sonra seçicilərinə müraciət edən Rulovs böyük məsuliyyət daşıdığını bildirib:

“Avtomobil gəldi və böyük sürətlə kütlənin içinə daxil olmaq istədi. Burada nə qədər uşaq olduğunu görürsünüz? Əgər bu körpələrdən birinin başından bir tük əskik olsaydı, mənim hansı situasiyada olacağımı başa düşürsünüz? Bu mənim üçün böyük məsuliyyətdir”.

Hadisə yerində olan insanlar isə bunun təşkilatçılarının Gürcü Arzusunun aktivistlərinin olduğunu deyiblər. Onlar partiyanın bununla qarşıdurmanı alovlandırmaq istədiyini bildiriblər.

Qeyd edək ki, bu, Rulovsa qarşı ilk insident deyil. Bir neçə gün əvvəl Zuqdididə “Odişi” televiziyasına müsahibəsi zamanı Rulovs və jurnalistlər hücuma məruz qalıblar. Hücum edənlər jurnalistlərə güc tətbiq etməklə bərabər, Rulovsu təhqir ediblər.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...