Sarkisyanın qardaşı həbs edildi | Eurasia Diary - ednews.net

18 Sentyabr, Çərşənbə


Sarkisyanın qardaşı həbs edildi

Dünya A- A A+

Ermənistanın sabiq prezidenti Serj Sarkisyanın qardaşı Levon Sarkisyanın barəsində qiyabi həbs qətimkan tədbiri seçilib.

Eurasia Diary "virtualaz.org"a istinadən xəbər verir ki, bu barədə ölkənin İstintaq Komitəsinin mətbuat xidmətinin rəhbəri Naira Arutunyan məlumat verib.

"Şimal-Cənub avtomobil yolunun tikintisi layihəsinin hazırlanması və icrası zamanı sui-istifadə faktları ilə bağlı araşdırma aparılır. İstintaq davam edir"-, deyə Arutunyan əlavə edib.

Bildirilir ki, Levon Sarkisyan "Şimal-Cənub" yolunun tikintisi zamanı qanun pozuntularında ittiham olunur. O, axtarışa verilib. Bəzi məlumatlara görə, L. Sarkisyan hazırda Livandadır.

Qeyd edilir ki, Levon Sarkisyan ilk dəfə 2018-ci ilin iyulunda ona qarşı qaldırılmış başqa bir iddia ilə axtarışa verilib. L. Sarkisyana qarşı qanunsuz yolla varlanmaq və gəlirləri gizlətmək ittihamı irəli sürülüb.

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...