Bir milyonluq yürüyüşə malik olan BMW 501 modeli nümayiş etdirilib | Eurasia Diary - ednews.net

5 İyul,


Bir milyonluq yürüyüşə malik olan BMW 501 modeli nümayiş etdirilib

Dünya A- A A+

BMW Group Classic seriyasından olan növbəti epizodda, alman markasının klassik avtomobillər bölməsinin əməkdaşları bir milyon kilometrdən çox yol qət etmiş 1950-ci illlərin BMW 501 sedanını gnümayiş etdiriblər. Avtomobilin əvvəlki sahibi avtomobili BMW Classic bölümünə təhvil verib. Qırx ildən sonra isə, avtomobili tam bərpa prosesindən keçib.

501 sedanı BMW şirkətinin müharibədən sonra yaradılmış və Bavariyadakı zavodunda yığılan ilk avtomobili olub. Dəyirmi formasına görə o və onu təqib edən 502 modeli "Barokko mələyi" ləqəbini alıblar. BMW Classic kolleksiyasından olan avtomobil 1955-ci ildə buraxılmış və V8 mühərriki ilə təchiz edilmişdir. Sedan15 il Münhendəki taksi parkında işləyib və bir milyon kilometrdən çox məsafə qət etdikdən sonra şirkətə qaytarılıb. Deyilənlərə görə, sedanın əvəzinə sahibinə yeni BMW 1500 modelini veriblər.

V8 mühərriki ilə təchiz edilmiş 501modellərinin istehsalı 1954-cü ildən 1962-ci ilə qədər davam edib. Bu müddət ərzində 5914 ədəd sedan buraxılıb. Bütün sedanlar 96 at qüvvəli 2.6-litrlik mühərrik və dörd pilləli mexaniki ötermələr qutusu ilə təchiz ediliblər.

1950-1960-cı illərdə 501 modeli polisdə də xidmət keçib. Avtomobildən şəhərətrafı yollarda və avtobanlarda patrul xidməti aparmaq üçün istifadə olunub.(milli.az)

 

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...