Floyd qiyamı ABŞ-ın “demokratiyanın beşiyi” imicini dağıdır - politoloq | Eurasia Diary - ednews.net

5 İyul,


Floyd qiyamı ABŞ-ın “demokratiyanın beşiyi” imicini dağıdır - politoloq

Dünya A- A A+
ABŞ-da Corc Floydun öldürülməsi ilə əlaqədar daha üç nəfərə qarşı cinayət işi açılıb. “Yeni Müsavat” xəbər verir ki, Minnesotanın baş prokuroru Kit Ellison Floydun nəfəs ala bilmədiyini deməsinə baxmayaraq, dizini onun boynunda saxlayan ağ polis zabiti Derek Çauvinə qarşı ikinci dərəcəli qətl ittihamı irəli sürüb. Bu, daha öncə ona qarşı irəli sürülmüş üçüncü dərəcəli qətl və ikinci dərəcəli ehtiyatsızlıqdan adam öldürmə ittihamlarından daha ağır bir ittihamdır. Bundan əlavə Ellison mayın 25-də hadisə yerində olan, amma insidentə müdaxilə etməyən digər keçmiş üç polis zabitinə qarşı da ikinci dərəcəli qətlə yardım və vasitəçilik ittihamları irəli sürüb. Bu üç keçmiş polisi zabitləri Tou Tao, Aleksandr Kuenq və Tomas Leyndir. Hər dörd polis zabiti Floydun ölümündən dərhal sonra işdən çıxarılmşdı, amma təkcə Çauvinə qarşı cinayət işi açılmışdı. Floydun ölümü bütün Birləşmiş Ştatlar boyu bir həftədən çoxdur davam edən etirazlara səbəb olub. Bu etirazların çoxu dinc keçir. Lakin bəzi etirazlarda rəsmilərlə nümayişçilər arasında şiddətli qarşıdurmalar baş verib, polis maşınları və hökümət binaları yandırılıb, bəzi mağazalar talan edilib. Bu, ABŞ-da son onillərdə baş verən ən genişmiqyaslı vətəndaş qarşıdurmasıdır. “The Associated Press” son səkkiz gün ərzində ölkə boyu 9000-dən çox insanın həbs olunduğunu bildirir. Ağ Evi mühasirəyə alan etirazçılardan qaçırılaraq bunkerə yerləşdirilən Tramp yerin altından tvit atır: “Zorakılığın və vandalizmin önündə "Antifa" və digər Sol radikal qruplaşmalar dayanır”. Tramp “Antifa”nı” terror təşkilatları siyahısına daxil edəcəyi ilə hədələyir. , ABŞ-da qanunlara görə yalnız əcnəbi təşkilatlar terror siyahısına daxil edilə bilər. “Antifa” isə yerlidir. Onu da deyək ki, Floydla vida mərasimi keçirilib. Vida mərasimində çıxış edən qaradərililərin hüquqları uğrunda mübarizə aparan keşiş, siyasi fəal El Şarpton bildirib ki, onun taleyi Birləşmiş Ştatlarda afroamerikalıların universal təcrübəsini simvolizə edir. Tramp hadisələri “daxili terrorizm” adlandırır, “Qiyam haqda Akt”a müraciət edərək ordunu etirazçılara qarşı göndərəcəyi ilə hədələyir, iştirakçıları uzun müddətli həbs gözlədiyini anons edir. Ancaq bütün bu terminlərin arxasında əsl həqiqət dilə gətirilmir - ABŞ-da əsl irqi və sinfi müharibə gedir. Üstəlik, etirazların qəddarlıqla dağıdılması ABŞ-ın “demokratiyanın beşiyi” imicini darmadağın etməkdə, blefə çevirməkdədir. Türkiyədə yaşayan politoloq Ramiyə Məmmədovanın “Yeni Müsavat”a bildirdiyinə görə, ABŞ-da baş verənlər Trampın impiçmentini reallaşdırmaq istəyən qüvvələrin də maraqlarına uyğundur: “O demək deyil ki, prosesi antiTramp qruplar körükləyir, yaxud maliyyələşdirir. Sözsüz ki, kütlə qəzəbidir. Sadəcə, Amerikada heç bir prezidentin dövründə belə aksiyalar olmamışdı və belə qəddarlıq görünməmişdi. Tramp bu mənada seçkiqabağı xeyli xal itirdi”. Ramiyə Məmmədova: “İmamoğlunun daxili siyasətdə problemlər ... Siyasi şərhçi dünyanın bir çox ölkələrində Floyda dəstək aksiyalarının keçirilməsini də ilklərdən sayır: “Başqa dövlətlərdə mitinqlərin zorakılıqla dağıdılmasını pisləyən bəyanatlar verən ABŞ Dövlət Departamenti indi susmamalıdır. Mən kadrlara baxıram, avtoritar rejimlərdə bu cür polis vəhşiliyi yoxdur. Məsələn, bir videoda gördüm, polis 75 yaşlı qocanı itələyir, yıxılır və başı yerə dəyib qan axır. Amma yanından keçən onlarla polisin heç biri əlindən tutub qocanı qaldırmırlar. Bu kadrlar ABŞ demokratiyasına böyük zərbə oldu. Yəni, Vaşinqton bundan sonra İranda, Rusiyada, yaxud başqa ölkələrdə etirazlar olanda “xalqın demokratik tələbini dəstəkləyirik” səsini qaldıra bilməyəcək. Çünki ikrah hissi doğuracaq”. Ekspertin proqnozlarına görə, prezident seçkilərində Tramp üçün çətin olacaq: “Respublikaçılar böyük xal itirdilər. Liberallar da, solçular da vəziyyətdən istifadə edirlər. İndiki situasiyada demokratlar seçkidə bir addım irəlidir. Tramp Amerikanın avtoritar prezidenti obrazını yaratdı. Digər tərəfdən, ABŞ demokratiyasının reputasiyasına, dünyadakı yerinə zərbə vurdu. İndi hansısa ölkədə nümayişlərə Vaşinqton etirazını bildirəndə Floyd hadisəsini başına qaxınc edəcəklər”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...