Beyrutda baş vermiş partlayışda ölənlərin sayı 135-ə çatıb - YENİLƏNİB - VİDEO | Eurasia Diary - ednews.net

28 Sentyabr, Bazar ertəsi


Beyrutda baş vermiş partlayışda ölənlərin sayı 135-ə çatıb - YENİLƏNİB - VİDEO

Dünya A- A A+
Livan Hərbi Dəniz Qüvvələrinin bazası yaxınlığında yerləşən Beyrut limanında baş vermiş partlayışda ölənlərin sayı artıb.
 
Baku TV-nin məlumatına görə, Livanın Səhiyyə naziri Həməd Həsən bildirib ki, partlayış 135 nəfərin həyatına son qoyub, beş minə yaxın insan yaralanıb, onlarla insan itkin düşüb.
 
Partlayışın ölkəyə vurduğu maddi ziyanın məbləği də açıqlanıb.
 
Beyrut şəhərinin qubernatoru Mərvan Abbud açıqlamasında qeyd edib ki, partlayışın vurduğu maddi ziyan elan ediləndən daha çox ola bilər. Dəyən ziyanın 15 milyard ABŞ dollarına qədər olma ehtimalı var.
 
Qeyd edək ki, avqustun 4-də Livan Hərbi Dəniz Qüvvələrinin bazası yaxınlığında yerləşən Beyrut limanında güclü partlayış baş verib.
 
Hadisə ilə bağlı Beyrutda iki həftəlik fövqəladə vəziyyət elan edilib.

***

Livanın paytaxtı Beyrutda partlayış zamanı ölənlərin sayı 100-ü keçib.

EDNews.net xəbər verir ki, bu barədə yerli Qırmızı Xaç Cəmiyyəti məlumat verib. Yaralı sayının 4 mini keçdiyi bildirilir. Ölü və yaralılar xəstəxanada yer olmadığı üçün Beyrutdan kənarda yerləşən xəstəxanalara aparılır. 

Yerli xilasetmə qurumları yaralı və itkin düşmüş şəxslərlə bağlı yüzlərlə zəng aldıqlarını əlavə edib. 

***

Livanın paytaxtı Beyrutda güclü partlayış baş verib.

Livanın “LBC International” telekanalı məlumat verir ki, Beyrut limanında baş vermiş partlayış aparılan qaynaq işləri zamanı 2 700 ton selitrin partlaması nəticəsində meydana gəlib.

“Oğurluq hallarının qarşısını almaq məqsədilə hasardakı dəliklərdə qaynaq işlərinin icra edildiyi zaman 2 700 ton selitr partlayıb”, - telekanal hüquq-mühafizə orqanlarının ilkin nəticələrinə istinadən xəbər verir.

Livan Səhiyyə Nazirliyinin məlumatına görə, partlayış nəticəsində 78 nəfər ölüb, dörd mindən artıq insan yaralanıb.

Hazırda Beyrut fəlakət bölgəsi elan edilib.

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...