Türkiyə Respublikasının yaranmasının 97-ci ildönümü qeyd olunur | Eurasia Diary - ednews.net

24 Noyabr, Çərşənbə axşamı


Türkiyə Respublikasının yaranmasının 97-ci ildönümü qeyd olunur

Dünya A- A A+

Bu gün Türkiyə Respublikasının yaranmasından 97 il keçir.

Milli Mübarizənin ardından böyük öndər Mustafa Kamal Atatürk hazırkı Türkiyə Respublikasının əsasını qoyub.

25 oktyabr 1923-cü ildə hökumət istefa verdi və bu Atatürkə yeni hökuməti qurmaq fürsəti yaratdı. 28 oktyabr respublikanın qurulmaması üzərinə Atatürk Çankayada yoldaşlarına “Sabah cumhuriyyəti elan edəcəyik” sözlərini söyləyib.

1923-cü il 29 oktyabr tarixində İsmət İnönünün başçılığı ilə Məclis toplandı. Məclisdə aşağıdakı hökmlər elan edilib:

“Müstəqillik qeyd-şərtsiz millətə aiddir. Dövlət işlərinin idarəçiliyi xalqa dayanır. Türkiyə dövləti bir cumhuriyyətdir.

Türkiyə dövlətinin dini İslamdır, rəsmi dil Türk dilidir.

Türkiyə dövləti Böyük Millət Məclisi tərəfindən idarə olunur.

Türkiyə Prezidenti Baş Assambleyanın üzvləri arasında müəyyən bir müddətlik qanunverici toplantıda Milli Məclis tərəfindən seçilir. Prezident xələfi seçilənə qədər vəzifəsini davam etdirir. Keçmiş prezident yenidən seçilə bilər.

Türkiyə Prezidenti Türkiyə dövlətinin başçısıdır. Bu vəzifədə, lazım bildiyi zaman Böyük Millət Məclisinə və Nazirlər Kabinetinə rəhbərlik edir.

Kabinet rəhbəri Prezident tərəfindən və Məclis üzvləri arasından seçilir. Digər nazirlər yenə də millət vəkilləri arasından Nazirlər Kabineti tərəfindən seçilir. Nazirlər Kabinetinin siyahısı Prezident tərəfindən Böyük Millət Məclisinin təsdiqinə təqdim olunur”.

Gedən danışıqların ardından saat 20:30-da “Yaşasın Cumhurriyət” səsləri və alqışları ilə Türkiyə Respublikası elan edildi. Türkiyə Respublikasının ilk Prezidenti seçilən Mustafa Kamal Atatürk həmin tarixdə bu sözləri ifadə edir:

“Həmişə millətin sevgisinə və etibarına söykənərək birlikdə irəliləyəcəyik. Türkiyə Respublikası məsud, müvəffəq və müzəffər olacaqdır”.

Türkiyə dövlətinin Prezidenti Rəcəb Tayyib Ərdoğandır və ümumi əhali sayı isə 84,339,067-dir.

Hazırda Türkiyə dövləti regionun əsas güclərindən birinə çevrilib. İqtisadi, siyasi və hərbi potensiyalı ilə regionda hər bir problemin həlli onun iştirakı olmadan mümkün deyil.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...