ABŞ prezidenti Co Bayden administrasiyası Birləşmiş Ərəb Əmirlikləri (BƏƏ) və Səudiyyə Ərəbistanına silah satışına müvəqqəti qadağa qoyub.
Eurasia Diary xəbər verir ki, bu barədə “The Wall Street Journal” Vaşinqtondakı rəsmi dairələrə istinadən məlumat yayıb.
İnformasiyaya görə, Baydenin köməkçiləri keçmiş prezident Donald Trampın dövründə təsdiqlənmiş “milyardlarla dollarlıq silah tədarükünə dair əməliyyatların dəyərləndirmələrini aparırlar”. Səudiyyə Ərəbistanına yüksək dəqiqlikli döyüş sursatlarının və BƏƏ-yə beşinci nəsil “F-35” qırıcılarının satışı ilə bağlı hissələr xüsusi olaraq nəzərdən keçirilir.
Qəzetin mənbələri bildirir ki, yeni administrasiya tərəfindən əvvəllər bağlanmış silah sazişlərinə təkrar baxılması təcrübəsində “qeyri-adi heç nə yoxdur” və “gecikmələrə baxmayaraq, əməliyyatların əksəriyyəti, çox güman ki, icra olunacaq”.
Materialda qeyd olunur ki, Vaşinqton sözügedən silahların Yəməndə istifadə edilməyəcəyinə tam əmin olmaq istəyir.