İran ABŞ və Avropaya rədd cavabı verdi | Eurasia Diary - ednews.net

23 Aprel, Cümə


İran ABŞ və Avropaya rədd cavabı verdi

Dünya A- A A+

İran hökuməti ABŞ və Avropa İttifaqının Tehranın nüvə proqramı ilə bağlı birbaşa diplomatik təmaslara başlamaq barədə təklifinə rədd cavabı verib.

Bu barədə “The Wall Street Journal” məlumat yayıb.

Nəşrin yazdığına görə, bu, Qərb ölkələri ilə İran arasında gərginliyin artmasına səbəb ola bilər.

“Reuters” isə bildirib ki, ABŞ tərəfi İranın bu addımından məyus olub.

Bu arada diplomatlar İranın imtinasının yaxın aylarda birbaşa danışıqlara olan bütün ümidləri aradan qaldırmadığını, Tehranın siyasi gedişinin növbəti danışıqlarda üstünlük əldə etmək cəhdi ola biləcəyini bildiriblər. Onlar güman edirlər ki, bu danışıqlar martın sonlarında - İran Yeni ilinədək başlaya bilər.

Bundan əvvəl ABŞ Prezidenti Co Baydenin administrasiyasından bildirmişdilər ki, yeni rəhbərlik İrana qarşı əvvəlki prezident Donald Trampın dövründə tətbiq olunan sanksiyaların yumşaldılması ehtimalını nəzərdən keçirir. "The Sunday Times" nəşrinin mənbəyi bildirir ki, yeni administrasiya danışıqların baş tutmasında israr edir və bu əlamət "sanksiyaların yumşaldılmasının o qədər də uzaqda olmadığını göstərir".

Virtualaz.org

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...