Putinlə Lukaşenko arasında nə baş verir? - DETALLAR | Eurasia Diary - ednews.net

28 Sentyabr, Çərşənbə axşamı

Putinlə Lukaşenko arasında nə baş verir? - DETALLAR

Dünya A- A A+

“Bəlkə də Lukaşenko artıq vətənini Vladimir Putinə satıb. Ukraynalı müəllif İvan Yakovina “Yeni zaman” nəşrində (NV.ua) iki prezidentin son görüşünün nəticələrindən sonra belə bir paradoksal nəticəyə gəlib. İddialara görə, Lukaşenko danışıqlardan son dərəcə narazı qalıb və bunun da iki səbəbi ola bilər”.

Eurasia Diary xəbər verir ki, bu haqda informasiya “inosmi.ru” saytında yer alıb.

Yakovina yazır ki, Avropa Birliyi Lukaşenkoya qarşı tətbiq etdiyi sanksiyalar iki ilədək davam edərsə, Belarus iqtisadiyyatı məhv olacaq. 

“Əsas tələbləri erkən azad seçkilər keçirmək, bütün siyasi məhbusları azadlığa buraxmaqdır. 

Əlbəttə ki, Lukaşenko buna bənzər bir şey etməyəcək, buna görə rejimini saxlamaq üçün pula ehtiyacı var. Lukaşenkonın Rusiyadan başqa pul götürməyə yeri yoxdur. Rusiyadan istəyir, amma qarşı tərəf ona istədiyi qədər pul vermir. Nəticədə Lukaşenko deyib ki, “İtirəcəyim heç bir şey yoxdur, dəli olmuşam, buna görə də Rusiyaya qarşı sanksiya tətbiq edəcəyəm”.

Görəsən o, hansı sanksiyaları nəzərdə tutur? Söhbət Avropa mallarının Belarus ərazisindən Rusiyaya keçməsinin qadağan edilməsindən gedir. Rusiya demək olar ki, hər şeyi idxal etdiyindən Belarus Rusiya Federasiyası ilə AB arasında nəqliyyat dəhlizidir.

Putin Lukaşenkonın ümumiyyətlə özünü itirdiyini qərara alıb və təcili olaraq onu Sankt-Peterburqa danlamağa çağırıb.

Daha doğrusu, əvvəlcə onu Krıma çağırıb, ancaq Lukaşenko Krıma getməkdən qəti şəkildə imtina edib, buna görə görüş Sankt-Peterburqda baş tutub. 

Görüşdən əvvəl Putin jurnalistlərin çəkdiyi hissədə deyib ki, əslində Belarus iqtisadiyyatı Rusiya ilə əlaqəli olduğundan özünü yaxşı “hiss edir”. O, ehyam vurub ki, Lukaşenko özünü belə aparsa, əlaqələr ya sərtləşəcək ya da tamamilə kəsiləcək. Nəticədə Lukaşenkonun iqtisadiyyatı dərhal çökəcək.

Çünki Rusiyanın köməyi olmadan, iki il nədir, heç bir ay da dözməyəcək. Lukaşenko cavabında deyib:

“Bilirsiniz, burada yalnız iqtisadiyyatdan danışmırıq, müxalifət tərəfdarlarıma cəhdlər edir, evlərini yandırır və s. Yəni müharibəmiz var. Səngərdə, atəşin altında otururuq, pul ödəməliyik. Sən burada oturmusan, heç nə etmirsən, biz isə sənə görə mübarizə aparırıq”.

Putin cavab verib ki, əslində bizim öz sanksiyalarımız, öz problemlərimiz var. 

Ümumiyyətlə, o, Lukaşenkoya pul vermək istəmir. Putin Lukaşenko ilə beş saat yarım mübahisə edib. İki prezident arasındakı bu qədər uzun danışıqları xatırlamıram.
Hər şey Putinin Lukaşenkoya bir az pul verəcəyi, benzin qiymətlərini qaldırmayacağı və bir milyard dollar borc verəcəyi vədi ilə sona çatıb.

O, sanki Lukaşenkoya bir sümük atıb və onu təpiklə Minskə göndərib. Lukaşenko bu danışıqların nəticələrindən son dərəcə narazı qalıb. 

Belarus dövlət mediasını oxuduqdan sonra müvafiq bir nəticə çıxardım. 

Ümumiyyətlə Putin və Lukaşenko arasındakı görüşlərdən sonra hər şeyin “bal kimi getdiyini” yazırlar. Bu dəfə ümumilikdə iki qeyd olub: Rusiya KİV-ləri materialları yenidən yayımlayıb. Yəni Lukaşenko açıq şəkildə bundan narazı qalıb.

Lukaşenko Minskə qayıdan kimi Belarusda bütün qeyri-hökumət mətbuat orqanlarının və bütün qeyri-hökumət təşkilatlarının kütləvi axtarışlarına və həbslərinə başlayıb.Niyə bu baş verir? Lukaşenko narahatdır ki, vətənini Vladimir Putinə satdığını hamı biləcək. 

Vəziyyət nəzarətdən çıxıb. Belarusda sözün siyasi mənasında yeni Şimali Koreya inşa edilir.

Nəticə isə belə ola belədir. Belaruslar həqiqətən müqavimət göstərməyə, Lukaşenko rejiminin əsasını təşkil edən insanların evlərini və avtomobilləri yandırmağa başlayıblar. Çox güman ki, ölkədə nəsə qaynayır”, deyə ukraynalı jurnalist fikirlərini yekunlaşdırıb.

Bizim.Media

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...