Münaqişə, zorakılıq və iqlim dəyişikliyi qaçqınların sayının artmasına səbəb olub - ednews.net

16 Yanvar,

Münaqişə, zorakılıq və iqlim dəyişikliyi qaçqınların sayının artmasına səbəb olub

Dünya A- A A+

Hazırda dünyada 84 milyondan çox qaçqın var, əksəriyyəti öz ölkəsindən qaçqın düşüb.

Bu barədə BMT-nin Qaçqınlar üzrə Ali Komissarlığından EDNews.net-ə daxil olan məlumatda deyilir.

Məlumata görə, qaçqınların sayının artması tendensiyası 2021-ci ildə də davam edib. Son bir ildə dünya üzrə qaçqınların sayı 82,4 milyondan 84 milyon nəfərə yüksəlib. Bu gün dərc edilən “Mid-Year-Trends” hesabatına görə, qaçqınların sayının artmasına səbəb zorakılıq, təhlükəsizliksizlik və iqlim dəyişikliyi olub. Bu say kəskin artıb, çünki daha çox insan öz ölkələrində, xüsusən də Afrikada didərgin düşüb. Hesabatda həmçinin qeyd olunur ki, COVID-19-la bağlı sərhəd məhdudiyyətləri bir çox yerlərdə sığınacaq əldə etməyə əngəl törətməkdə davam edir.

BMT-nin Qaçqınlar üzrə Ali Komissarı Filippo Qrandi Layf bildirib ki, Beynəlxalq ictimaiyyət insanları öz evlərindən didərgin salan zorakılıq, təqib və insan haqları pozuntularının qarşısını ala bilmir.

2021-ci ilin birinci yarısında dünyada münaqişə və zorakılıq yenidən alovlandığı üçün hazırda təxminən 51 milyon insan məcburi köçkün vəziyyətindədir. Xüsusilə, Afrikada daha çox insan öz ölkələrindən, məsələn, Konqo Demokratik Respublikasında (1,3 milyon) və Efiopiyada (1,2 milyon) insan qaçqın düşüb. 2021-ci ilin yanvar-iyun aylarında Myanma və Əfqanıstanda baş verən zorakılıqlar nəticəsində çoxlu sayda insan didərgin düşüb.

Qaçqınların sayı da 2021-ci ilin birinci yarısında artmaqda davam edərək, demək olar ki, 21 milyona çatıb. Yeni qaçqınların əksəriyyəti beş ölkədən gəlib: Mərkəzi Afrika Respublikası (71,800), Cənubi Sudan (61,700), Suriya (38,800), Əfqanıstan (25,200) və Nigeriya (20,300).

Münaqişə, COVID-19, yoxsulluq, ərzaq təhlükəsizliyi və iqlim dəyişikliyi əksər inkişaf etməkdə olan ölkələrdə sığınacaq tapmış köçkünlərin humanitar vəziyyətini daha da ağırlaşdırıb.

Məcburi köçkünlər problemi üçün hələ də həll yolları yoxdur. 2021-ci ilin birinci yarısında bir milyondan az məcburi köçkün olub və yalnız 126,700 qaçqın evlərinə qayıda bilib.

"Beynəlxalq ictimaiyyət qaçqın icmalar və onların ev sahibləri üçün resursların mövcud olmasını təmin etməklə yanaşı, sülh üçün səylərini ikiqat artırmalıdır. Qaçqın və məcburi köçkünlərin müdafiəsi və onlara qayğı göstərməklə bağlı ən böyük yük onların üzərinə düşür. Onlar beynəlxalq ictimaiyyətin qalan hissəsindən daha çox dəstəyə ehtiyac duyurlar", deyə Qrandi bildirib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...