Belarusun Müdafiə Nazirliyi Ukraynanın hərbi attaşesinə etiraz notası təqdim edib - ednews.net

18 Yanvar, Çərşənbə axşamı

Belarusun Müdafiə Nazirliyi Ukraynanın hərbi attaşesinə etiraz notası təqdim edib

Dünya A- A A+

Belarusun Müdafiə Nazirliyi dövlət sərhədinin pozulması ilə bağlı Ukraynanın hərbi attaşesinə etiraz notası təqdim edib.

EDNews.net bildirir ki, bu barədə Belarus Müdafiə Nazirliyi öz Telegram kanalında məlumat verib.

Məlumatda bildirilir ki, 2021-ci il dekabrın 5-də Ukraynanın Belarus Respublikasındakı səfirliyindəki hərbi attaşe Müdafiə Nazirliyinin Beynəlxalq Hərbi Əməkdaşlıq İdarəsinə çağırılıb:

“Ukrayna tərəfindən Belarus Respublikasının dövlət sərhədinin hava məkanının pozulması hallarının artması ilə əlaqədar attaşeyə etiraz notası təqdim edilib”.

Bildirilir ki, buna səbəb 4 dekabr 2021-ci il tarixində Ukraynaya məxsus Mi-8 tipli helikopter tərəfindən Belarus Respublikasının dövlət sərhədinin hava məkanını pozulması olub. Belarus tərəfi hərbi attaşeyə məlumat verib ki, Ukrayna tərəfi həm beynəlxalq hərbi əməkdaşlıq, həm də silahlara nəzarət baxımından mübahisəli məsələlərin həlli üçün dialoqdan yayınır ki, bu da çox narahatedicidir.

Fakt olaraq isə, Belarus dövlət sərhədi yaxınlığında keçirilən bir sıra hərbi təlimləri göstəriblər.

Belarus Müdafiə Nazirliyi bildirib ki, bu faktların məcmusu ölkənin cənub istiqamətində təhlükəsizliyə təhdid ehtimalının olmasını göstərir.

Qeyd edək ki, dekabrın 4-də Belarus-Ukrayna sərhədində, Mozır sərhəd dəstəsinin “Novaya Rudnya” keçid məntəqəsi yaxınlığında Ukraynaya məxsus Mi-8 hərbi helikopteri təxminən 100 metr hündürlükdə dövlət sərhədini keçərək 1 km Belarus ərazisinə daxil olub.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...