Hindistan Baş Qərargah rəisi helikopter qəzasında həlak olub - ednews.net

19 Yanvar, Çərşənbə

Hindistan Baş Qərargah rəisi helikopter qəzasında həlak olub

Dünya A- A A+

Hindistan Müdafiə Nazirliyi Baş Qərargahının rəisi Bipin Ravat Rusiya istehsalı olan Mi-17V5 markalı helikopter qəzasında həlak olub. 

EDNews.net “RİA Novosti”yə istinadən xəbər verir ki, bu barədə Hindistanın müdafiə naziri Raçnat Sinqh bildirib. 

Onun sözlərinə görə, Baş qərargah rəisinin həyat yoldaşı və daha 11 hərbçi helikopter qəzasında ölüb.

***

Hindistanda hərbi helikopterin qəzaya uğraması nəticəsində 5 nəfər ölüb.

EDNews.net yerli KİV-ə istinadən xəbər verir ki, helikopterin göyərtəsində 14 nəfər olub.

Bildirilib ki, onların arasında Hindistan Silahlı Qüvvələrinin Baş Qərargah rəisi general Bipin Ravat, onun həyat yoldaşı, köməkçisi, şəxsi mühafizə xidmətindən xüsusi təyinatlılar və ölkə Hərbi Hava Qüvvələrinin hərbçiləri olublar. 

Bildirilib ki, qəza yerindən 5 nəfərin meyiti aşkarlanıb, bir neçə nəfər ağır xəsarətlə hospitala yerləşdirilib.

***

Göyərtəsində Hindistan Müdafiə Nazirliyi Baş Qərargının rəisi Bipin Ravatın da olduğu helikopter qəzaya uğrayıb.

Helikopterin göyərtəsində daha 3 yüksək rütbəli hərbçi olub.

Bildirilib ki, hadisə dekabrın 8-də Hindistanın Tamçiland ştatında baş verib.

Məlumata görə, hadisə yerində 3 yaralı aşkar olunub, 4-cü şəxsin axtarışı davam edir.

Qeyd edək ki, Müdafiə Nazirliyinin Baş Qərargah rəisi ştatı 2019-cu ilin dekabrında yaradılıb. O, Hindistan ordusunun Quru Qoşunları, Hərbi Hava Qüvvələri və Hərbi Dəniz Qüvvələrinin fəaliyyətini əlaqələndirir. O, müdafiə texnologiyası və texnikanın alınması məsələlərini də koordinasiya edir. General Bipin Ravat bu posta təyin olunmuş ilk şəxsdir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...