Türkiyənin “Zyrone Dynamics” şirkəti tərəfindən hazırlanmış çoxrotorlu mini PUA Ankarada yerləşən şirkətdə 30% paya malik Hindistanın “DCM Shriram” şirkətinə ixrac olunmağa hazırdır.
EDNews.net Türkiyənin “Sabah” nəşrinə istinadən xəbər verir ki, “Zyrone Dynamics” Hindistan tərəfdaşına ilk məhsulun çatdırılmasına hazırlaşır.
Bu ilin avqustunda keçirilən 15-ci Beynəlxalq Müdafiə Sənayesi Sərgisində əldə edilən razılaşma ilə şirkətin 30 faizi Hindistanda yerləşən “DCM Shriram Industries” şirkətinə 3,5 milyon dollara satılıb.
“Zyrone Dynamics” mini çoxrotorlu PUA platforması olan ZCQM-nin ilk ixracını ilin sonuna qədər həyata keçirəcək və 2022-ci ildə partiyalar halında tədarük etməyə davam edəcək. Şirkətin gələn ilə qədər 100-ə yaxın PUA sistemi tədarük edəcəyi gözlənilir.
Şirkət, həmçinin 2022-ci ilin mart ayında Hindistanda demo uçuşlar həyata keçirəcək və Hindistan üzərindən Uzaq Şərq ölkələrinə də genişlənməyi planlaşdırır.
ZCQM kəşfiyyat PUA-sı 1,2 kilometr yüksəklikdə 80 dəqiqə havada qala bilir.
.png)
