Fransa prezidentliyinə namizəd: - “Rusiyaya qarşı daha sanksiyalar olmayacaq” - ednews.net

26 May, Cümə axşamı

(+994 50) 229-39-11

Fransa prezidentliyinə namizəd: - “Rusiyaya qarşı daha sanksiyalar olmayacaq”

Dünya A- A A+

Fransa prezidentliyinə namizəd Erik Zemmur Rusiyaya qarşı sanksiyaları ləğv etməyə çağırıb. Onun fikrincə, “ABŞ-ın aləti olmağa” son qoymaq lazımdır. 

Ednews xəbər verir ki, bundan əvvəl o, həmçinin ölkənin NATO-dan çıxarılmasını təklif edib.

“Düşünürəm ki, Fransa sanksiyaları ləğv etməklə Rusiyaya dostluq siqnalları verə bilər. Mən prezident olsaydım, deyərdim ki, Rusiyaya qarşı daha sanksiyalar olmayacaq”, - Zemmur “France 5”ə deyib.

Namizədin fikrincə, Fransa Rusiyanın dostu olmalıdır. O, hesab edir ki, ABŞ Avropa ölkələrini Rusiya Federasiyasına qarşı qoyur.

Cənab Zemmur onu da deyib ki, “fransızlar və ruslar düşündüyümüzdən də çox oxşar olan iki böyük xalqdır”. 

“Mən rus xalqını sevirəm, mədəniyyətini, ədəbiyyatını sevirəm. Mən Dostoyevskinin, Tolstoyun, Vasili Qrossmanın böyük pərəstişkarıyam”, o, əlavə edib.

Erik Zemmur Rusiyanın seçkilərə müdaxilə etdiyinə inanmır. O, qeyd edib ki, əksinə ruslar deyil, müttəfiqlərini dinləyən amerikalılar olub.

Erik Zemmur ifrat sağçı namizəd, Reconkista partiyasının yaradıcısıdır. Sorğulara görə, o, 13 faiz səslə seçkilərdə dördüncü yeri tuta bilər. İndiyə qədər sosioloqlar hazırkı prezident Emmanuel Makronun (22,5-23%) lider mövqeyini proqnozlaşdırırlar. Marine Le Pen və Valerie Pekress hərəyə 17 faizə toplayıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...