Ən çoxseriyalı cizgi filmlərindən biri olan və dünyanın hər bir yerində yaşayan insanlar tərəfindən maraqla izlənilən “Simpsonlar”ı məşhur edən bir xüsusiyyəti gələcəyi təxmin etməsidir. “Simpsonlar”ın koronavirus, Donald Trampın hakimiyyətə gəlməsi, kriptovalyuta və s. kimi hadisələri qabaqcadan bilməsi həm insanları təəccübləndirir, həm də qorxuya salır. Baş verənlərlə bağlı bir çox açıqlamalar verilsə də, bunlar insanları inandırmaq üçün yetərli olmayıb.
Bir müddət əvvəl “Simpsonlar”ın Facebook-un yeni versiyası Metaverse haqqında söylədikləri proqnozlar yenə insanları təəccübləndirib.
Bir sosial media istifadəçisinin Simpsonların Metaverse kainatını 2011-ci ildə proqnozlaşdırdığını yazması hamının müzakirəsinə və fərqli fikirlərin ortaya çıxmasına səbəb olub. Bəziləri Simpsonların bu perseptual kainatı proqnozlaşdırdığını düşünsə də, digərləri Mark Zukerberqin Simpsonlardan fikir oğurladığını iddia edib.
2011-ci ildə Simpsonların yayımlanan 23-cü fəslində Metaverse insanların virtual reallıq qulaqlıqları, smartfon proqramları və ya digər cihazlardan istifadə edərək görüşə, işləyə və oynaya biləcəyi sonsuz, bir-biri ilə əlaqəli virtual icmalar kainatı kimi göstərilib. Filmdə Metaverse planetinə isə ilk olaraq Lisa Simpson daxil olub.
Qeyd edək ki, bu cür öncəgörmələr ilk dəfə deyil ki, “Simpsonlar”da aşkar edilir. Cizgi film uzun illərdir ki, gündəmə çevrilən hasisələr barədə verdikləri proqnozlarla daima cəmiyyətin diqqət mərkəzindədir.
Aysel Bədəlova
