“YouTube” Ukraynadakı müharibə ilə bağlı 70 mindən çox video və 9 min kanalı məzmun qaydalarını pozduğuna görə silib.

Ednews “The Guardian”a istinadən xəbər verir ki, videoların bir çoxu platformanın yaradıcılara Ukraynanın işğalı kimi hadisələri inkar etməyi və ya əhəmiyyətsizləşdirməyi qadağan edən qaydaları pozub.

"Bizim böyük zorakılıq hadisələri ilə bağlı siyasətimiz mövcuddur. Qaydalar Sendi Huk və Holokost kimi hadisələrin inkarı kimi məsələlərə aiddir. Təbii ki, Ukraynada baş verənlər böyük zorakılıq hadisəsidir",-“YouTube”un baş məhsul direktoru Nil Mohan açıqlamasında deyib.

“YouTube” silinmiş videoların və kanalların icmalını təqdim etməyib, lakin Mohan onların bir çoxunun "Rusiya hökuməti və ya onun adından Rusiya aktyorlarının şərhləri" olduğunu bildirib.

Rusiyanın “Facebook” və “Instagram” kimi sosial şəbəkələri qadağan etməsi ilə “YouTube” ölkədə hələ də Rusiyaya məxsus olmayan yeganə əsas sosial media platformalarından biri olaraq qalıb.

"YouTube” Rusiya vətəndaşlarının müharibə haqqında senzurasız məlumat əldə edə biləcəyi bir yerdir. Bu böhran inkişaf etməyə davam etdiyi üçün biz Rusiya vətəndaşları üçün vacib platforma olaraq qalırıq",-Mohan qeyd edib.

Qeyd edək ki, fevral ayında Rusiya Ukraynanı işğal edəndən bəri “YouTube” müharibəni “azadlıq missiyası” kimi təsvir edən videoları, həmçinin Kremlyönlü jurnalist Vladimir Solovyova məxsus kanalı silib.

Mirvari Əzizova

• Tag:
• YouTube
• Rusiya
• Holokost
• Vladimir Solovyov
• Ukrayna