Şinzo Abeni vuran şəxs açıqlama verdi - ednews.net

17 Avqust, Çərşənbə

(+994 50) 229-39-11

Şinzo Abeni vuran şəxs açıqlama verdi

Dünya A- A A+
Yaponiyanın sabiq baş naziri Şinzo Abeyə atəş açan Nara prefekturasının 41 yaşlı sakini Tetsuya Yamaqami istintaq zamanı törətdiyi cinayətin əsil motivini açıqlayıb. Onun bu məqsədlə partlayıcı qurğu hazırladığı da qeyd edilir.
 
Ednews xəbər verir ki, bu barədə təhqiqat orqanındakı mənbə iyulun 10-da məlumat verib.
 
Həmçinin, T.Yamaqaminin bir neçə odlu silah hazırladığını etiraf etdiyi də deyilir. Nara polisinin onun evində apardığı axtarış zamanı bir neçə əldə düzəltmə silah və partlayıcı qurğu üçün detallar müsadirə olunub.
 
 
Qətldə şübhəli bilinən T.Yamaqami bazar günü prokurorluq orqanlarına təhvil verilib.
 
Cinayət hadisəsinin motivlərinə gəlincə, T.Yamaqami bildirib ki, anası tərəfindən bir dini təşkilata böyük məbləğdə ianə verilib. Bu, onda həmin qrupa qarşı böyük nifrət yaradıb. Onun qənaətinə görə, Şinzo Abe həmin qrupla əlaqəli olub.
 
T.Yamaqaminin sözlərini sitat gətirən mənbə bildirib ki, o, əvvəlcə həmin dini qrupun rəhbərinə hücum etmək istəyirmiş, amma sonradan fikrini dəyişərək Ş.Abeyə atəş açıb.
 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...