BƏƏ-də nəhəng qaz yatağı aşkarlandı - ednews.net

15 Avqust, Bazar ertəsi

(+994 50) 229-39-11

BƏƏ-də nəhəng qaz yatağı aşkarlandı

Dünya A- A A+

Abu-Dabi Milli Neft Şirkəti (ADNOC) Fars körfəzinin Abu-Dabi şelfində (BƏƏ) ehtiyatları 28,3 milyard kubmetrdən 42,4 milyard kubmetrə çata bilən nəhəng təbii qaz yatağının aşkar edildiyini açıqlayıb.  

Ednews xəbər verir ki, bu barədə şirkətin saytında press-reliz dərc olunub. 

Bildirilib ki, yataq ADNOC ilə konsessiya müqaviləsinin bir hissəsi kimi İtaliyanın “Eni” və Tailandin “PTT Exploration və Production Public Company Limited” şirkətlərindən ibarət beynəlxalq konsorsium tərəfindən işlənən 2 nömrəli blokda kəşfiyyat quyusunun qazılması zamanı kəşf edilib.

Qeyd edilir ki, qaz ehtiyatlarının aşkarlanması “dünyanın ən böyük birləşmiş quru və dəniz üçölçülü meqaseysmik tədqiqatı” zamanı əldə edilən yeni məlumatlar sayəsində mümkün olub.

Bu ilin fevralında şirkət 2 nömrəli blokda ehtiyatları 42,5-56,6 milyard kubmetr m. arasında olan ilk iri qaz yatağının kəşfi barədə məlumat verib. Beləliklə, bu blokda kəşf edilmiş təbii qaz ehtiyatlarının ümumi həcmi 99 milyard kubmetrə çata bilər. 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...