Sülhün Kökləri təşkilatının qurucu və rəhbəri Heidi Kuhn Əfqanıstan Amerika Universiteti tərəfindən “Humanitar Elmlər Doktoru” fəxri dərəcəsi adına layiq görülüb.

Ednews xəbər verir ki, noyabrın 14-də ABŞ-ın sabiq birinci xanımları Laura Buş və Hillari Rodham Klintonun da iştirak etdiyi mərasimdə fəxri dərəcəsi ona təqdim ediləcək. Bu barədə Heidi Kuhn özü məlumat verərək bildirib ki, bu cür ali dərəcəyə layiq görüldüyü üçün çox məmnunluq hissi keçirir.

“Mən Əfqan vətəndaşlarının ağır vəziyyətinin yaxşılaşdırılması üçün inanılmaz işlər görmüş belə yüksək nailiyyətlərə malik bir qrup qadının yanında humanitar elmlər doktoru fəxri dərəcəsini almaqdan dərin təvazökarlıq hissi keçirirəm”.

Qeyd edək ki, Sülhün Kökləri təşkilatı Əfqanıstanda 20 ildən artıqdır fəaliyyət göstərir. Onun “Mina sahəsindən üzümlük sahəsinə” devizi bir milyondan çox fermer və ailəyə müsbət təsir edib. Sülhün Kökləri minaları və müharibə qalıqlarını təmizləyərək iğtişaşların girov saxladığı minalanmış torpaqları azad edib. Təşkilat, Əfqanıstanda təzə meyvələrin, qoz-fındıqların və ədviyyatların dünya bazarlarına ixracını asanlaşdıraraq, Əfqanıstanın kənd təsərrüfatı ixracının 2014-cü ildəki 250 milyon dollardan 2020-ci ildə 1,4 milyard dollara yüksəlməsinə töhfə verib.

Elnur Ənvəroğlu