Fransada həmkarlar ittifaqı Paris və ölkənin müxtəlif şəhərlərində ümummilli sənaye aksiyası adı altında genişmiqyaslı etiraz aksiyası keçirib.
Ednews Anadolu Agentliyinə istinadən xəbər verir ki, nümayişlərdə yaşayış xərclərinin artırılmasına etiraz edilməsi, maaş və iş şəraitinin normallaşdırılması ilə bağlı tələblər səsləndirilib.
Konfederasiya Generale du Travail tərəfindən verilən məlumata görə, həmkarlar ittifaqı bütün Fransada gün ərzində 150-200 nümayiş keçirir.
Həmçinin qeyd edilib ki, Parisdə saat 14:00-da başlayan nümayişdə 4 000 adam iştirak edib. Nümayişçilər əsasən Respublika sarayı və Bastiliya qarşısına toplaşıb.
Ölkənin Daxili İşlər Naziriliyi nümayişçilərin sayının 2000-4000 nəfər təşkil etdiyini, həmçinin aksiya zamanı heç bir ixtişaşın və toqquşmanın olmadığını bildirib.
Həmkarlar ittifaqı, bununlu yanaşı son həftələrdə bir neçə sektorda maaş və enerji xərclərinin artırılmasına etiraz olaraq tətillərə başlayacaqlarını da bəyan ediblər.
Tətillər zaman ölkənin bir çox bölgələrində, xüsusilə Parisdə metro stansiyaların və avtobusların fəaliyyəti dayandırılıb.
Qeyd edək ki, Fransada istehlak qiymətləri 1985-ci ildən bəri ən yüksək səviyyəyə çatıb. Ərzaq qiymətlərində 12 % artım aylıq büdcəsinin daha çox hissəsini supermarketlərdə sərf edən az təminatlı ailələrə mənfi təsir edib.
Yunis Abdullayev
