Türkiyə hava hücumundan müdafiə (HHM) sistemlərinin istehsalına başlamağı planlaşdırır.
Ednews xəbər verir ki, bu barədə “TRT” telekanalı məlumat yayıb.
Məlumata görə, yeni növ "Siper", "Hisar", "Sunqur" sistemlərinin və bəzi növ silah-sursatların istehsalına başlanılması barədə qərar hərbi sənaye kompleksinin icraiyyə komitəsinin Prezident Rəcəb Tayyib Ərdoğanın sədrliyi ilə keçirilən iclasında qəbul edilib.
Bildirilib ki, hökumət müdafiə sənayesi üzrə 25 layihə barədə qərar qəbul edib.
Qeyd edək ki, daha əvvəl Türkiyədə MIDLAS şaquli raket buraxılış sistemi Hərbi Dəniz Qüvvələrinin ehtiyacları üçün sınaqdan keçirilib.