Türkiyə istehsalı olan “Hürjet” reaktiv təlim təyyarəsi ilk uçuşunu keçirib.
Ednews xəbər verir ki, bunu ölkə Prezidenti Rəcəb Tayyib Ərdoğan tviterdə yazıb.
“Türkiyə yüz ilinə ərməğan olsun”, - dövlət başçısı vurğulayıb.
Qeyd edək ki, "Hurjet" Türkiyənin “Hürkuş” təlim-məşq təyyarələrinin reaktiv versiyasıdır. O, 2017-ci ildə Türkiyənin aerokosmik şirkəti TAI (Turkish Aerospace Industries) tərəfindən hazırlanıb.
"Hurjet" 13,7 min metrə qədər yüksəklikdə uçacaq və üç min kq-a qədər faydalı yük daşıyacaq. Əvvəllər hücum təyyarəsinin ilk uçuşunun 2022-ci ildə baş tutacağı gözlənilirdi, lakin sonra 2023-cü ilə təxirə salınıb.