Aprelin 26-da İstanbulda Türk Dünyası Köşe Yazarlar Simpoziumu öz işinə başlayıb. Forum 28 aprelə qədər öz işini davam etdirəcək.
Ednews xəbər verir ki, simpozium ilk dəfədir keçirilir. Forum Türkiyə Respublikası adminstrasiyanın Kommunikasiyalar nazirliyi tərəfindən təşkil olunub.
Tədbirdə Türk Dövlətləri Təşkilatının beş üzv dövlətləri Türkiyə, Azərbaycan, Qazaxıstan,
Qırğızıstan, Özbəkistan və üç müşahidəçi dövlət Macarıstan, Türkmənistan və Şimali Kipr Türk Respublikasının nümayəndələri iştirak edir.
Proqrama Türkiyədən 15 mətbuat işçisi və 35 xarici jurnalist qatılıb.
26 apreldə İstanbula səfər edən mətbuat nümayəndələri Boğaziçi qayıq turundan sonra onlar üçün xüsusi təşkil olunan qala gecəsində iştirak ediblər.
Simpoziumun rəsmi işi 27 apreldə davam edəcək. Bu gün iki dəyirmi masada görüşlər və panel keçiriləcək.
Tədbirdə açılış nitqi Prezident Administrasiyasının Kommunikasiya Mətbuat və Yayım şöbəsinin müdiri Oğuz Göksu açacaq.
Daha sonra Dr. Kaan Kutlu Ataç, dəyirmi masada “Yeni dünyanın Beynəlxalq Nizam Əsr” mövzusu müzakirə ediləcək.
Anadolu Agentliyinin redaksiya müşaviri Yəhya Bostan “Yeni əsrdə media” adlı ikinci dəyirmi masa görüşünü təqdim edəcək.
"Yeni əsrdə enerji əməkdaşlığı” adlı paneldə TPAO, BOTAŞ və EPİAŞ-dan sektor nümayəndələri Türkiyənin enerji sahəsində nailiyyətləri və hədəflərini qiymətləndirəcəklər.
Proqramın son günündə aprelin 28- də iştirakçılar dünyanın ən böyük aviasiya və texnologiya festivalı TEKNOFEST-də iştirak edəcəklər.
Vüsalə Balayeva, İstanbul