"Təəssüf ki, Azərbaycan da minalarla ən çox çirklənmiş ölkələr arasındadır".

 

Ednews xəbər verir ki, bunu Bakıda keçirilən "Minalarla mübarizə - Dayanıqlı İnkişaf Məqsədlərinə gedən yol" mövzusunda beynəlxalq konfrans iştirakçılarına onlayn müraciətində Birləşmiş Millətlər Təşkilatının Minalardan Təmizləmə Xidmətinin (UNMAS) direktoru İlene Kon deyib.

 

Xanım Kon çıxışında deyib ki, BMT ölkələrin minalardan təmizlənməsinə yardım etməyə, minaların yayılmasının qarşısının alınmasını təşviq etməyə davam edəcək.

 

O bildirib ki, Azərbaycan hökuməti, ANAMA minaların təmizlənməsi istiqamətində əhəmiyyətli işlər görüb. BMT rəsmisi qeyd edib ki, ANAMA həm də digər ölkələrlə öz təcrübəsini bölüşür ki, bu da vacibdir:

 

"Mən həmçinin bu istiqamətdə verdiyi dəstəyə görə Azərbaycandakı BMT əməkdaşlarına təşəkkür edirəm, koordinatorumuza təşəkkür edirəm. Bundan sonra da biz birlikdə işləməyə davam edəcəyik".

 

Aysel Şahmar

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary