“Vaqner” hərbi birləşməsinin üsyandan bir neçə gün sonra hələ də Rusiyada döyüşçü topladığı aşkar edilib.
Ednews xarici KİV-ə istinadən xəbər verir ki, “Vaqner” muzdlu qruplaşması Ukraynada döyüşmək üçün Rusiyadan döyüşçülər cəlb edir.
Bununla bağlı “BBC” radiosunun apardığı araşdırmada deyilir:
“Biz Rusiyada qeydiyyatda olan telefon nömrəsindən istifadə edərək çoxsaylı işə qəbul mərkəzlərinə zəng etdik. Soruşanda isə qardaşımız üçün zəng etdiyimizi dedik. Bizə cavab verənlərin hamısı işlərin həmişəki kimi getdiyini təsdiqlədi. Rusiyanın qərbindəki Kalininqraddan cənubdakı Krasnodara qədər heç kim qrupun dağıldığına inanmırdı.
Arktikanın Murmansk şəhərində Vikinq İdman Klubundan bir qadın hələ də Ukraynada xidmət etmək üçün döyüşçüləri işə götürdüyünü təsdiqlədi. Dedi ki, bəli, bizim işə cəlb etdiyimiz yer budur. Kim cəbhəyə getmək istəyirsə, mənə zəng etmələri kifayətdir. Biz yola çıxmaq üçün bir gün seçəcəyik.
“Vaqner”in əlaqə nöqtələrinin uzun siyahısında döyüş sənəti məktəbləri birincidir. Boks klubları və bəzi digər döyüş klubları da əlaqə qurulan yerlərdir. Telefonu götürən bir neçə nəfər yeni üzvlərin Rusiya Müdafiə Nazirliyi ilə deyil, muzdlu qrupla müqavilə imzaladığını vurğulayıb.
“Vaqner”in işə qəbul bürolarında əlaqə üçün məsul şəxslər öz işlərini görməyə davam edirlər. Deyirlər heç nə dəyişməyib. Volqoqradın “Sparta” idman klubundan bir şəxs deyib ki, bunun Müdafiə Nazirliyi ilə qətiyyən heç bir əlaqəsi yoxdur. Heç bir şey dayanmayıb. Biz hələ də işə götürürük”.
Xatırlafaq ki, “Vaqner” üsyanının əsas səbəblərindən biri muzdlularının müqavilə əsasında Müdafiə Nazirliyinin tabeliyinə verilməsi idi. Hərbi birləşmənin rəhbəri Yevgeni Priqojin isə buna etiraz edirdi.
Qiyamın qarşısının alınmasından sonra “Vaqner”in Rusiya Müdafiə Nazirliyi ilə müqavilə imzalamasına baxmayaraq, bu, kağız üzərində qalıb. Hərbi qruplaşmaya cəlb edilənlər Müdafiə Nazirliyi ilə deyil, “Vaqner”in qəbul mərkəzləri ilə müqavilə imzalayır.
