“Biz hər hansı bir ölkənin nüvə silahı əldə etməsindən narahatıq”, - deyə Selman bildirib
Ednews zdf.de nəşrinə istinadən xəbər verir ki, Səudiyyə Ərəbistanının vəliəhd şahzadəsi Məhəmməd bin Salman ABŞ-da yerləşən “Fox News” kanalında Bret Baierin qonağı olub .
İranın nüvə silahı əldə etmək səylərindən danışan Məhəmməd bin Salman, "Bu, pis addımdır.
Əgər nüvə silahından istifadə etsəniz, bütün dünya ilə böyük müharibəyə girəcəksiniz. Nüvə silahına sahib olmağın mənası yoxdur, çünki istifadə etmək olmaz”.
Səudiyyə Ərəbistanının dünyada nüvə silahına malik hər hansı bir ölkə olmasından narahat olduğunu vurğulayan şəhzadə, "Dünya başqa bir Hiroşimaya dözə bilməz" fikirlərini səsləndirib.
Vəliəhd şahzadə İranın nüvə silahına malik olsa nə baş verə biləcəyi sualına belə cavab verib:
"Əgər onlar bunu əldə edərlərsə, təhlükəsizlik baxımından biz də Yaxın Şərqdəki güc balansı üçün nüvə silahı əldə etməli olacağıq. Amma biz bunu istəmirik”.
Tehranla əlaqələrin yaxşı inkişaf etdiyini vurğulayan şəhzadə regionun sabitliyi və təhlükəsizliyi üçün bu yolun davam edəcəyinə ümid etdiklərini bildirib.
ABŞ prezidenti Co Baydenlə də yaxşı münasibətlərinin olduğunu bildirən Məhəmməd bin Salman qeyd edib ki, Səudiyyənin ABŞ ilə çox güclü hərbi əlaqələrimiz var.
“Bu əlaqələr təkcə Səudiyyə Ərəbistanı və Yaxın Şərqi deyil, Amerikanın qlobal mövqeyini də gücləndirir. Bu gün bizim Amerika ilə münasibətlərin gündəliyi həqiqətən diqqətəlayiqdir və Baydenlə əla münasibətimiz var. O, həqiqətən ağıllı, çox diqqətli bir şəxsdir”,- deyə o, fikrini tamamlayıb.
Xəyal Ramiz