Birləşmiş Ştatların dövlət katibi Entoni Blinkenin İsrailin baş naziri Benyamin Netanyahu ilə görüşəcəyi gözlənilən Tel-Əvivə qayıdıb.
Ednews CNN-nə istinadən xəbər verir ki, dövlət katibi İsrail prezidenti İsaak Hersoq, müdafiə naziri Yoav Gallant və müxalifət lideri Yair Lapidlə də görüşəcək. İsrail və HƏMAS arasında artan gərginlik fonunda Yaxın Şərq ölkələrinə səfəri zamanı Blinken Səudiyyə Ərəbistanının vəliəhd şahzadəsi Məhəmməd bin Salman və Fələstin Muxtariyyətinin prezidenti Mahmud Abbasla görüşüb.
Bundan əvvəl ABŞ prezidenti Co Bayden İsrailin Qəzzanı ələ keçirmə planına qarşı olduğunu bildirərək, belə bir addımın “böyük səhv” olacağını vurğulayıb.
Ülviyyə Şahin
