İsrailin Qəzzaya hücumları yeddinci həftəsinə girərkən, 7 oktyabrdan bu yana hücumlarda həyatını itirən fələstinlilərin sayı 13 mini, yaralıların sayı isə 30 mini keçib. 

Ednews xarici mediaya istinadən xəbər verir ki, hücumlarda indiyədək 60 jurnalist həyatını itirib. Digər tərəfdən, Qəzzada fələstinli qruplarla toqquşmalar nəticəsində İsrail ordusunun bəzi bölgələrdən geri çəkildiyi bildirilib. 

İsrail əsgərləri Qəzzanın şimalında, bölgənin ən böyük qaçqın düşərgəsi olan Cəbəliyə doğru irəliləyib. Bölgədə Həmas ilə İsrail əsgərləri arasında şiddətli toqquşmaların olduğu bildirilir.

İsrail ordusu Qəzzanın şimalını böyük ölçüdə işğal edib. Bununla belə, bölgənin bir çox yerində HƏMAS-ın partizansayağı müqaviməti ilə üzləşdi. İsrail həmçinin Qəzzanın mərkəzi hissəsindəki iki qaçqın düşərgəsinə hava zərbələri endirib. Büreyc və Nuseyrat düşərgələrinə edilən hücumlarda 30-dan çox fələstinli həlak olub.

İsrail Qəzzanın cənubundakı Xan Yunis qaçqın düşərgəsini də hədəfə alıb. HƏMAS-ın silahlı qanadı Qəssam Briqadaları Qəzzanın şərqindəki Juhrel Dik kəndində İsrail əsgərlərinə qarşı pusqu qurulduğunu açıqlayıb.

Yaxın məsafədən açılan atəş nəticəsində 6 İsrail əsgərinin həlak olduğu bildirilib.

İsrail ordusu daha əvvəl fələstinli qruplarla toqquşmalar nəticəsində irəliləyiş əldə etdiyi Qəzza zolağının şimalını və şəhərin bəzi nöqtələrini tərk edib.

Şahidlərdən alınan məlumata görə, İsrail qüvvələri Qəzza şəhərinin cənubundakı Əl-Hədra və Əz-Zeytun məhəllələrindən 3 kilometr qərbdə mövqelərini dəyişib.

İsrail qüvvələri həmçinin Qəzza zolağının şimalındakı Cibaliya bölgəsindəki Əbu Şarh qovşağından, Qəzza şəhərinin mərkəzindəki Es-Saraya və Əl-Cəla küçəsindəki Dubayt qovşağından da geri çəkilib.

İsrail hərbi maşınları da Tel əl-Heva rayonundan çıxıb və Qəzza şəhərinin qərbindəki Ər-Rəşid küçəsində yerləşdirilib.
Saftavi, Əbu Şarh qovşağı və Əl-Kərəmə əraziləri İsrail qüvvələri tərəfindən əsasən dağıdılıb.

Bir həftədir İsrailin hücumlarının mərkəzində olan Şifa xəstəxanasından təxliyələr davam edir.

Oğuz