Almaniya ilə Avropa İttifaqına (Aİ) namizəd Gürcüstan arasında miqrasiya sahəsində daha sıx əməkdaşlığı nəzərdə tutan razılaşma əldə olunub. 

Ednews DW Turkish-ə  istinadən xəbər verir ki, ötən gün  Gürcüstanın paytaxtı Tbilisidə Almaniyanın daxili işlər naziri Nensi Faeser və gürcü həmkarı Vaxtanq Qomelauri tərəfindən imzalanan sazişdə həmçinin Gürcüstan vətəndaşlarının Almaniyaya sığınacaq üçün müraciət etmə ehtimalının qəbul ediləcəyinə dair məlumat kampaniyalarının həyata keçirilməsi nəzərdə tutulur. 

Müqavilə çərçivəsində sığınacaq tələbləri rədd edildikdən sonra Gürcüstana qayıdanların reinteqrasiyası üçün tədbirlərin görülməsi də nəzərdə tutulub. Almaniyada deportasiyaya cavabdeh olan səlahiyyətlilərə görə, Gürcüstan artıq ölkəni tərk etməyə məcbur olan vətəndaşlarının geri alınmasında nisbətən yaxşı əməkdaşlıq edir.

Gürcüstanın təhlükəsiz ölkə kimi təsnifatı o deməkdir ki, Almaniyada sığınacaq müraciətləri rədd edilənlər qanuni addımlar ata bilər, lakin digər tərəfdən məhkəmə prosesi başa çatana qədər Almaniyanı tərk etməli ola bilərlər.

Xəyal Ramiz