Polşa Rusiya raketinin Polşanın hava məkanını pozmasından sonra Rusiyanın Varşava müvəqqəti işlər vəkili Andriej Ordasz-ı Xarici İşlər Nazirliyinə çağırıb və etiraz notası verib.
Ednews cumhuriyyet nəşrinə istinadən xəbər verir ki, bu gün Polşa hava məkanına daxil olan Rusiya raketi iki ölkə arasında gərginliyə səbəb olub.
Polşa Xarici İşlər Nazirliyindən verilən açıqlamada Rusiyaya məxsus qanadlı raketin Polşa hava məkanını pozmasından sonra axşam saatlarında Rusiya Federasiyasının Varşava səfirliyinin müvəqqəti işlər vəkili Andriej Ordaszın nazirliyə çağırıldığı bildirilib.
Rus diplomata etiraz notası verildiyi bildirilən açıqlamada, “ Xarici İşlər Nazirliyi qanadlı raketlə Polşanın hava məkanını pozması ilə bağlı izahat tələb edib və bu cür hərəkətlərin dərhal dayandırılmasını istəyib”.
Rusiya Hərbi Hava Qüvvələrinin Baltikyanı ölkələr və Finlandiyaya qarşı analoji təxribatlar törətdiyini xatırladan Vladislav Teofil Bartoşevski, Polşa diplomatiyasının hazırda Rusiyaya qarşı başqa bir hərəkət planlaşdırmadığını bildirib.
Bartoşevski Polşanın hava məkanını pozan raketin hansı növ olduğunu bildiklərini, lakin məxfi olduğu üçün heç bir məlumat verə bilməyəcəyini bildirib.
Polşa Silahlı Qüvvələrinin Əməliyyat Komandanlığı bu gün səhər saatlarında naməlum obyektin Ukrayna sərhədi üzərində Polşa hava məkanını pozduğunu açıqlayıb.
Xəyal Ramiz