İranin Kirman şəhərində törədilən terror aktında iştirak edənlər həbs olunub.
Ednews İRNA agentliyinə istinadən xəbər verir ki, İranın daxili işlər naziri Əhməd Vahidi bununla bağlı açıqlama verib.
Onun sözlərinə görə, kəşfiyyat sistemlərinin güclü fəaliyyəti nəticəsində hadisədə iştirak edən bir neçə nəfər saxlanılıb.
“Onlar haqqında məlumat daha sonra təhlükəsizlik orqanları tərəfindən açıqlanacaq” – deyə nazir vurğulayıb.
Qeyd edək ki, terror aktı nəticəsində 89 nəfərin öldüyü, onlardan 12-nin 15 yaşından kiçik uşaq olduğu dəqiqləşib. Ümumilikdə 284 nəfər yaralanıb.
