İsrail ordusu Qəzza zolağında Həmas tərəfindən əsir götürülən 31 israilli məhbusun öldüyünü açıqlayıb və ailələrinə xəbər verib.
Ednews xarici mediaya istinadən xəbər verir ki, bir çox israilli məhbus daha əvvəl işğalçı İsrailin Qəzzaya hücumları zamanı həlak olmuşdu. Sionist İsrail Ordusunun sözçüsü Daniel Həcəri keçirdiyi mətbuat konfransında deyib:
"Biz qaçırılan 31 nəfərin ailələrinə onların oğurlanmış yaxınlarının artıq həyatda olmadığını bildirdik və onların Qəzzada öldüyünü təsdiq etdik".
Həcəri yaxınlarının taleyi və vəziyyəti ilə bağlı əllərində olan təsdiqlənmiş məlumatları digər ailələrə çatdırdıqlarını bildirib.
HƏMAS liderlərinin gizləndiyi və müharibəyə rəhbərlik etdiyi bəzi yerlər, eləcə də israilli əsirlərin saxlandığı bəzi yerlər tapdıqlarını ifadə edən Həcəri, "Yeni hərbi hücumlara başlayırıq və Həmas-ın infrastrukturunu məhv edirik. Hazırda İsrail ordusunun nəzarətindədir. Təfərrüatları daha sonra açıqlayacağıq." deyə bildirib.
Oğuz
