Uzun illərdir smartfon bazarında mühüm oyunçu kimi fəaliyyət göstərən şirkət istehsal strategiyasında köklü dəyişiklik edərək smartfon istehsalına son verdiyini açıqlayıb.
Ednews oda.tv.4-ə istinadən xəbər verir ki, bu qərarla Meizu artıq enerji və qaynaqlarını süni intellektə əsaslanan məhsul və xidmətlərə yönəldəcəyini açıqladı.
Meizu-nun süni intellektə diqqət yetirmək qərarı, smartfon bazarının doyma nöqtəsinə çatmış ola biləcəyi və texnologiya şirkətlərinin yeni inkişaf sahələri axtardığına dair şərhlərə səbəb olur. Son illərdə süni intellekt səhiyyə, təhsil, avtomobil və bir çox digər sektorlarda inqilab etmək potensialı ilə diqqəti cəlb edir. Meizu-nun bu sahəyə sərmayə qoyması şirkətin gələcəkdə texnologiya sektorunda mövqelərini gücləndirmək üçün mühüm strategiya hesab edilir.
Meizu-nun smartfon istehsalından süni intellektə yönəlmiş məhsul və xidmət inkişafına keçidi digər texnologiya şirkətləri üçün də ilham mənbəyi ola bilər. Bu transformasiya süni intellekt texnologiyalarının həyatımızın hər sahəsinə və texnologiya sektorundakı təkamülə necə inteqrasiya oluna biləcəyinin göstəricisi hesab olunur. Meizu-nun süni intellektə əsaslanan əməliyyat sistemi və gələcəkdə təqdim edəcəyi digər yeniliklər texnologiya dünyasında böyük maraqla gözlənilir.
Xəyal Ramiz
