ABŞ-ın texnologiya nəhəngi “Apple” elektrik avtomobilləri istehsal etmək səylərini dayandırır.
Ednews Bloomberg-ə istinadən xəbər verir ki, şirkət daxilində iki idarəçi tərəfindən edilən bu ləğv elanı elektrikli avtomobil layihəsi üzərində çalışan təxminən 2 min işçini təəccübləndirdi.
Bildirilib ki, menecerlər işçilərə layihənin sona çatmağa başlayacağını və komandadakı bir çox əməkdaşın süni intellekt şöbəsinə keçəcəyini bildiriblər.
Sözügedən kadrlar “Apple” üçün getdikcə daha vacib prioritetə çevrilən məhsuldar süni intellekt layihələrinə diqqət yetirəcək.
Elektrikli avtomobil komandasında yüzlərlə aparat mühəndisi və avtomobil dizaynerinin olduğu və bu işçilərin digər Apple komandalarında iş üçün müraciət etmələrinin mümkün olduğu qeyd edilib.
Xəyal Ramiz
