Google-un keçmiş mühəndisi çinli Linwei Ding çərşənbə günü şirkət sirlərini oğurlamaqda dörd ittihamla həbs edilib.
Ednews ntv.com-a istinadən xəbər verir ki, keçmiş mühəndisin işləyərkən Google- dan 500-dən çox məxfi fayl oğurladığı iddia edilir.
Mühəndis etdiyi hər cinayətə görə 10 ilə qədər həbs və 250 min dollar cərimə gözləyir.
Onun oğurluqda ittiham olunduğu məlumatın Google-un süni intellekt modellərinin hazırlanması üçün istifadə edilən super hesablama məlumat mərkəzlərinin infrastrukturu ilə bağlı olduğu açıqlanıb.
İttihama görə, Dinq 2019-cu ildə Google tərəfindən işə götürülüb və onun vəzifələrinə süni intellekt modellərinin hazırlanması daxildir.
İddialara görə, mühəndis 2022-ci ilin may ayından etibarən Google şəbəkəsində saxlanılan məlumatları şəxsi Google hesabına yükləməyə başlayıb. İttihamnamədə qeyd olunur ki, bu yükləmələr bir il ərzində vaxtaşırı davam edib.
Bu arada, onun Çində bir neçə ay yeni qurulan "Beijing Rongshu Lianzhi Technology" texnologiya şirkəti üçün çalışdığı deyilir .
İttihamnamədə bildirilir ki, ona şirkətin Texnologiya Meneceri olmaq üçün ayda 14,800 dollar təklif edilib .
Google icazəsiz yükləmələri aşkar etmək üçün onun fəaliyyət tarixçəsini axtararaq mühəndisin girişini dayandırıb.
Google sözçüsü José Castañeda, şirkətin "məxfi biznes məlumatlarının və ticarət sirlərinin oğurlanmasının qarşısını almaq üçün ciddi təhlükəsizlik tədbirləri gördüyünü" söylədi və əlavə etdi ki, şirkət qanun pozuntusuna dair sübut tapdıqda dərhal səlahiyyətliləri xəbərdar edəcək.
Xəyal Ramiz