“Sülhün Kökləri” təşkilatının qurucusu və rəhbəri olan Heidi Kühn Anqoladan dünya ictimaiyyətinə çağırış edib.
Ednews xəbər verir ki, o, qida çatışmazlığına qarşı qlobal mübarizədə minalar və müharibənin partlayıcı qalıqları ilə çirklənmiş torpaqların təmizlənməsini təmin etmək üçün maliyyənin artırılmasına çağırış edib.
Heidi Kühn bu çağrışını torpaqları əkinçiliyə yararlı hala gətirməyə çalışan mina təmizləyicilərinin işinin şahidi olmaq üçün Anqolanın mina sahələrinə səfəri zamanı edib.
Xanım Kühn qlobal miqyasda təxminən 6,300 nəfər işçiyə sahib və münaqişənin təsirini göstərdiyi yerlərdə minaları, kaset sursatlarını və partlamamış bombaları məhv edən humanitar, inkişaf və sülh quruculuğu təşkilatı olan MAG (Minalar üzrə Məsləhət Qrupu) beynəlxalq QHT-nin qadın və kişi mina təmizləyiciləri ilə birgə işlər aparır.
Kühn çıxışında bildirdib ki, minalar qalıcı və sarsıdıcı təsirləri ilə icmaları məhv etməyə davam edir:
“Onlar nəinki insanların ağır yaralayır və öldürürlər, həm də inkişafa mane olurlar və dünyanın ən yoxsul ailələrindən bəzilərinin öz yaxınlarını yeməklə təmin etməsinə mane olurlar. Qida təhlükəsizliyi dünyanın ən aktual problemlərindən biridir. Problemin miqyasına və onu aradan qaldırmağa çalışan mina təmizləyicilərin məharətinə birbaşa şahidlik edərək, mən bu gün dünya hökumətlərindən xahiş edirəm ki, bu mühüm işə öz dəstəklərini artırsınlar”.
Qeyd edək ki, Anqola dünyanın ən çox minalanmış ölkələri arasında yer alır. 2002-ci ildə sona çatan münaqişədən əvvəl ölkə xalis qida ixracatçısı idi, lakin o vaxtdan sonra ərzaq idxalından asılı olmağa məcbur olub. Ölkədə 73 milyon kvadratmetrdən çox ərazinin 1100-dən çox aşkarlanmış və şübhəli mina sahəsi ilə çirkləndiyi güman edilir. 2022-ci ildəki hadisələr nəticəsində ən azı 41 Anqolalı ölüb, 66 nəfər yaralanıb. Qlobal miqyasda hər gün təxminən 15 nəfər ölür və ya yaralanır, bununla yanaşı 60 milyondan çox insan hələ də mina çirklənməsi təhlükəsi ilə yaşayır.
MAG 1994-cü ildən Anqolada fəaliyyət göstərir. Təkcə son on ildə və hazırda ABŞ və Böyük Britaniya hökumətlərinin dəstəyi ilə MAG icmalar üçün 1400 futbol meydançasının sahəsinə bərabər olan 10 milyon kvadratmetrdən çox minalanmış sahəni təmizləyib.
MAG Amerikanın İcraçı Direktoru Ceymi Franklin bildirib:
“Sülhün Kökləri və MAG birlikdə kənd təsərrüfatının inkişafı və Anqolayla yanaşı qlobal miqyasda qida təhlükəsizliyinin təmin edilməsində minalardan təmizləmənin olduqca vacib rolu var. Yaxın Şərq, Afrika və Cənub-Şərqi Asiya da daxil olmaqla, dünya ölkələrində biz minalardan təmizlənmənin inanılmaz dərəcədə müsbət təsirini görürük ki, bu da bəzən torpağı, son dərəcə yoxsul olan icmaların məhsuldar istifadəsinə qaytarır”.
Xatırladaq ki, Beynəlxalq Avrasiya Mətbuat Fondunun tərəfdaşı “Sülhün Kökləri” (“Roots of Peace”) təşkilatının rəhbəri Heidi Kühn 2023-cü ildə “Dünya Ərzaq Mükafatı” laureatı qalibi olub.
Oğuz
