Cənubi Koreya Şimali Koreyanın şərqə doğru ballistik raket atdığını açıqlayıb. Şimali Koreya 'çox başlı raket sınağı' olaraq elan etdiyi fəaliyyətin uğurla həyata keçirildiyini iddia edib.
Ednews hbaer.turk.com-a istinadən xəbər verir ki, Cənubi Koreya Baş Qərargahından verilən açıqlamada Şimali Koreyanın səhər saatlarında şərqə doğru ballistik raket atdığı bildirilib.
Raketlə bağlı əlavə təfərrüat paylaşılmasa da, açıqlamada məsələ ilə bağlı araşdırmanın davam etdiyi bildirilib.
Cənubi Koreya Baş Qərargahının iyunun 26-da verdiyi açıqlamada yerli vaxtla saat 05.30 radələrində Pxenyan yaxınlığından atılan “ballistik raketin” 250 kilometr uçduqdan sonra Şərq dənizi üzərində havada partladığı bildirilib.
Şimali Koreya isə "çox başlı raket sınağı" olaraq xarakterizə etdiyi fəaliyyətin uğurla həyata keçirildiyini iddia edib.
Xəyal Ramiz
